Özbekiston va Qirğiziston örtasida tarixiy hujjat imzolandi
Bugun, 30 iyul kuni oliy darajadagi muzokaralar yakunida Özbekiston Respublikasi Prezidenti Şavkat Mirziyoyev va Qirğiz Respublikasi Prezidenti Sadir Japarov Ittifoqçilik munosabatlari töğrisidagi şartnomani imzoladi. Bu haqda Özbekiston yetakçisining matbuot xizmati xabar berdi.
Qayd etilişiça, şuningdek, davlat rahbarlari huzurida ikki tomonlama hujjatlarni almaşiş marosimi bölgan. Şu jumladan:
- Özbekiston – Qirğiziston davlat çegarasining uçastkalari töğrisida şartnoma;
- “Çaşma” buloğidan birgalikda foydalaniş töğrisida bitim;
- Davlat ijtimoiy suğurtasi va pensiya taminoti töğrisida bitim;
- Oliy talim sohasidagi kreditlarni özaro tan oliş töğrisida bitim;
- Davlat çegarasi orqali ötkaziş punktlari töğrisidagi hukumatlararo bitimga özgartiriş va qöşimçalar kiritiş haqida bayonnoma;
- Fuqarolarning özaro kelib-ketişlari töğrisidagi hukumatlararo bitimga bayonnoma;
- Qirğiz Respublikasining Issiqköl viloyati hududida joylaşgan kurort-rekreatsiya xöjaligi obektlari töğrisidagi bitimga bayonnoma;
- 2026-2027 yillarga möljallangan madaniyat sohasidagi tadbirlar rejasi;
- 2026-2027 yillarga möljallangan turizm sohasidagi qöşma harakatlar rejasi;
- Qirğiz Respublikasi Issiqköl viloyati Ton tumanida joylaşgan “Böston” pansionati töğrisida şartnoma;
- 2026-2027 yillarga möljallangan agrosanoat majmuasi sohasidagi amaliy çora-tadbirlar rejasi.
Eslatib ötamiz, avvalroq Şavkat Mirziyoyev rafiqasi Ziroat Mirziyoyeva bilan birga Issiqköl viloyatidagi Çölponota şahriga yetib borgani haqida xabar berilgan edi. U yerda mamlakat yetakçisini Qirğiz Respublikasi Prezidenti Sadir Japarov hamda uning rafiqasi kutib oldi. Şuningdek, Çingiz Aytmatov nomidagi “Ruh Ordo” madaniyat markazida Şavkat Mirziyoyevni rasmiy kutib oliş marosimi bölib ötdi.
Şu bilan birga, Şavkat Mirziyoyevning Sadir Japarov bilan tor doiradagi va rasmiy delegatsiyalar azolari iştirokidagi muzokaralari ham ötkazildi.