Tarixiy kun: Özbekistonning Samarqand-2028 suniy yöldoşi orbitaga uçirildi
Bugun, 5 avgust kuni STAR.VISION kompaniyasi tomonidan Xitoyning Şandun provintsiyasi qirğoqlari yaqinidagi dengiz start platformasidan Samarqand-2028 va Lampung-1 giperspektral suniy yöldoşlari muvaffaqiyatli uçirildi. Bu haqda Raqamli texnologiyalar vazirligi xabar berdi.
Qayd etilişiça, mazkur loyiha Özbekiston tarixidagi eng yirik xalqaro kosmik loyihalardan biri bölib, milliy kosmik dastur rivojida yangi bosqiçni boşlab berdi. Şuningdek, u Özbekiston va Xitoy örtasidagi ilmiy-texnologik hamkorlikni yanada mustahkamlaşga xizmat qiladi.
Malum qilinişiça, loyiha doirasida “Özbekkosmos” agentligi mutaxassislari tomonidan suniy yöldoş borti uçun maxsus suniy intellekt moduli işlab çiqilgan. Uşbu texnologiya giperspektral malumotlarni bevosita orbitada qayta işlaş imkonini berib, malumotlarni uzatiş va tahlil qiliş samaradorligini oşiradi.
Vazirlikka köra, Samarqand-2028 missiyasi qişloq xöjaligi, ekologiya, tabiiy resurslarni monitoring qiliş, suv resurslarini boşqariş, favqulodda vaziyatlarni monitoring qiliş, şaharsozlik va boşqa yönalişlarda kosmik texnologiyalardan samarali foydalaniş imkoniyatlarini kengaytiradi.
Suniy yöldoşga Samarqand-2028 nomi berilişi ramziy ahamiyatga ega. Uşbu nom 2025 yilda Sidney şahrida bölib ötgan Xalqaro astronavtika kongressida (IAC) qabul qilingan qaror bilan 2028-yilgi kongress Samarqand şahrida ötkazilişi belgilanganiga işora qiladi.
“Mazkur loyiha Özbekistonning jahon kosmik hamjamiyatidagi iştirokini kengaytiriş, milliy muhandislik salohiyatini rivojlantiriş hamda suniy intellekt va kosmik texnologiyalar yönalişida xalqaro hamkorlikni yangi bosqiçga olib çiqişda muhim ahamiyat kasb etadi”, deyiladi Raqamli texnologiyalar vazirligi axborotida.
Fazoga uçiriş jarayonini töliq quyidagi havolalarda tomoşa qilişingiz mumkin: