USD: 11,966 so'm ▼ EUR: 13,437 so'm ▼ RUB: 146 so'm ▲ GBP: 16,029 so'm ▲ CNY: 1,792 so'm ▼ KZT: 27 so'm ▲ TRY: 241 so'm ▼ AED: 3,258 so'm ▼ USD: 11,966 so'm ▼ EUR: 13,437 so'm ▼ RUB: 146 so'm ▲ GBP: 16,029 so'm ▲ CNY: 1,792 so'm ▼ KZT: 27 so'm ▲ TRY: 241 so'm ▼ AED: 3,258 so'm ▼

Saytdan izlash

Ko'rinishni tanlash:

Saqlangan xabarlar

Sizda hozircha saqlangan xabarlar yo'q!

Yangiliklarni o'qish

Maxfiylik siyosati

Saytimizdan foydalanishda sizga eng yaxshi tajribani taqdim etish uchun biz cookie-fayllardan foydalanamiz. Saytimizdan foydalanishda davom etish orqali siz Maxfiylik siyosati va Foydalanish shartlari ga rozilik bildirgan bo‘lasiz.

Сурхондарёда поездларга “талаб юқорилиги” сабаб ортиқча одам олинмоқда

25-08-2026, 13:15
75 марта
Сурхондарёда поездларга “талаб юқорилиги” сабаб ортиқча одам олинмоқда

Ижтимоий тармоқларда “Сариосиё – Термиз” йўналишида ҳаракатланаётган шаҳарлараро поездга оид турли видеолар ва изоҳлар тарқалди. Уларда поезддаги йўловчилар гавжумлиги ва вагонлардаги шароитлар юзасидан эътирозлар билдирилган. Мазкур ҳолат юзасидан “Ўзтемирйўлйўловчи” АЖ изоҳ берди.

 

Маълум қилинишича, мазкур йўналишда қатновни амалга ошираётган поезд 4 та йўловчи вагонидан иборат бўлиб, жамоат транспорти тамойили асосида фаолият юритади.

Ушбу йўналишда чипталар ўриндиқ рақами кўрсатилмаган ҳолда, яъни жойсиз сотилади. Йўловчилар амалдаги чипта асосида поездга чиқиб, бўш ўринларга жойлашади. Қайд этилишича, ҳар бир вагон 81 нафар йўловчини ўтирган ҳолда ташишга мўлжалланган.

Билдирилишича, поезд аҳолига қулай ва ҳамёнбоп транспорт хизмати кўрсатиш мақсадида ташкил этилган. Бугунги кунда ушбу йўналишга талаб юқори бўлиб, айниқса дам олиш ва байрам кунларида йўловчилар оқимининг кескин ортиши сабабли айрим қатновларда гавжумлик кузатилиши мумкин.

Ташкилотга кўра, мазкур йўналишдаги поезд вагонлари йўловчилар учун зарур қулайликлар билан таъминланган бўлиб, жумладан, ёз мавсумида совутиш, қиш мавсумида эса иситиш тизимлари узлуксиз ишлаши таъминланади.

“Ижтимоий тармоқларда тарқалган ҳолат юзасидан масъул мутахассислар томонидан ўрганиш ишлари олиб борилмоқда. Йўловчиларга янада қулай, хавфсиз ва сифатли хизмат кўрсатиш мақсадида зарур чоралар кўрилади”, дейилади расмий муносабатда.

Шунингдек, “Ўзтемирйўлйўловчи” АЖ фуқаролардан тасдиқланмаган ёки бир томонлама талқин қилинган маълумотларга эмас, расмий ахборот манбаларига таянишни сўраган.

Эслатиб ўтамиз, аввалроқ Сурхондарё вилояти ҳокими Улуғбек Қосимов вилоятдаги жамоат транспортларига доир вазиятларни танқид қилиб, чипталар муаммосини кўтарган эди. Унинг сўзларига кўра, билетлар сунъий қимматлаштирилган ҳамда соҳада монополия мавжуд.

Изоҳ қолдириш

    • Дилором 25 Avgust 2026 17:09
      Кушимча вагон улаш мумкинку.Бу поезд деганлари оддий одамлар учун.Оддий одамлар учун кулайлик яратилсин ахир.Пули булганда самолёта таксида кетарди.

Мавзуга алоқадор: