Şavkat Mirziyoyevning Qirğizistonga taşrifi yakunlandi
Bugun, 1 sentyabr kuni Özbekiston Respublikasi Prezidenti Şavkat Mirziyoyevning Bişkek şahriga amaliy taşrifi yakunlandi. Bu haqda Prezident matbuot xizmati xabar berdi.
Qayd etilişiça, Özbekiston yetakçisi Şanxay hamkorlik taşkilotiga azo davlatlar rahbarlari kengaşining yubiley yiğilişida iştirok etgani taşrifning asosiy voqeasi bölgan. Unda ŞHTning 25 yillik taraqqiyot yöli sarhisob qilinib, özaro hamkorlikni yanada rivojlantirişning ustuvor yönalişlari körib çiqilgan.

Prezident sanoat kooperatsiyasini çuqurlaştiriş, transport aloqalari, raqamli texnologiyalar va suniy intellektni rivojlantiriş, oziq-ovqat, suv va energetika xavfsizligini mustahkamlaş böyiça qator taşabbuslarni ilgari surgan. Yiğiliş yakunlari böyiça Bişkek deklaratsiyasi hamda asosiy yönalişlarda hamkorlikni kengaytirişga qaratilgan muhim hujjatlar töplami qabul qilingan.
Şuningdek, Özbekiston yetakçisi BMTning adolatli köp qutbli dunyo tartibotini şakllantirişdagi roliga bağişlangan “ŞHT plyus” formatidagi uçraşuvda nutq sözlagan. Birlaşgan Millatlar Taşkilotining markaziy va muvofiqlaştiruvçi rolini saqlab qoliş zarurligini takidlab, “ŞHT plyus”ni mintaqalararo muloqot maydoni sifatida rivojlantirişni taklif qilgan.

Sammit doirasida Xitoy Xalq Respublikasi Raisi Si Tszinpin, Rossiya Prezidenti Vladimir Putin va Pokiston Boş vaziri Şahboz Şarif bilan muzokaralar bölib ötgan. Şuningdek, BMT Boş kotibi Antoniu Guterriş va AQŞ Prezidentining Janubiy va Markaziy Osiyo böyiça maxsus vakili Serjio Gor bilan uçraşuvlar ötkazilgan.
Bişkekda davlat rahbari rafiqasi bilan birga VI Butunjahon köçmançilar öyinlarining tantanali oçiliş marosimida iştirok etgan.
Tadbirlar yakunlangaç, “Manas” xalqaro aeroportida Özbekiston Prezidenti va rafiqasini Qirğiz Respublikasi Vazirlar Mahkamasi raisi – Prezident Administratsiyasi rahbari Odilbek Qosimaliyev va boşqa rasmiylar kuzatib qöygan.
Davlat rahbari Toşkent şahriga qaytib kelgan.