Avvalroq, Toşkent şahridagi Milliy kutubxona ortida joylaşgan yaşil hudud örnida atoturargoh qurilişi, jamoat parki rejalaştirilgan hududlar auktsion savdosiga çiqarilişi haqida xabar berilgan edi. Uşbu holat bilan bilan boğliq masala esa keng muhokama qilinmoqda. Mazkur xabarlar yuzasidan Urbanizatsiya va uy-joy bozorini barqaror rivojlantiriş milliy qömitasi munosabat bildirdi.

Qömitaga köra, şahar markazidagi mavjud yaşil hududlarning kamayişi, aholining sayr qilişi va dam olişi uçun qulay jamoat joylari örnida konstruktiv qurilişlar bölişi mutlaqo maqsadga muvofiq emas. Avtoturargohlarni taşkil etişda kökalamzor maydonlarning qisqarişiga hamda piyodalar uçun yaratilgan şaroitlarning yomonlaşişiga yöl qöyilmasligi kerak.

Şuningdek, sotuvga çiqarilgani aytilayotgan «Navröz» boğiga tegişli köçmas mulk obektlaridan birining yer maydonida Vazirlar Mahkamasining 2026 yil 28 fevraldagi 83-son qaroriga köra, (Toşkent şahri Yunusobod tumani Matonat mahallasida 1,6 gektar) jamoat parki taşkil etiş nazarda tutilgan. Bu hududda albatta, hukumat qaroriga muvofiq jamoat parki barpo etilişini taminlaş zarur.

“Milliy qömita Toşkent şahridagi mavjud yaşil hududlarni qisqarişini oldini oliş, jamoat parki uçun belgilangan hududni saqlab qoliş, undan faqat belgilangan maqsadlarda foydalaniş va aholi manfaatlarini taminlaş şart, deb hisoblaydi”, deyiladi rasmiy munosabatda.

Eslatib ötamiz, Alişer Navoiy nomidagi Özbekiston Milliy kutubxonasi ortidagi 1,3 gektar hududda avtoturargoh taşkil rejalaştirilmoqda. Uşbu reja doirasida ur uçastkasini elektron auktsionga çiqariş rejalaştirilmoqda. Obektdan 10 yil muddatga foydalaniş huquqini qölga kiritadigan xususiy şerik belgilangan investitsiya majburiyatlarini bajarişi, şuningdek, hududni saqlaş, obodonlaştiriş va kökalamzorlaştirişni taminlaşi lozim böladi. Davlat-xususiy şeriklik şartlariga muvofiq, avtoturargoh xizmatidan tuşadigan mablağlarning 20 foizi şahar byudjetiga yönaltiriladi.