Bugun, 23 sentyabr kuni Prezident Şavkat Mirziyoyev Andijon viloyatiga taşrifi çoğida Oltinköl tumanida Şinjon usuli asosida paxta yetiştiriş jarayonini közdan keçirdi. Bu haqda Prezident matbuot xizmati xabar berdi.

Qayd etilişiça, paxtaçilikda Şinjon usulining qöllanilişi hosildorlikni sezilarli oşiriş bilan birga suv, öğit va boşqa resurslarni tejaş, ğözani parvarişlaş xarajatlarini kamaytiriş imkonini bermoqda. Paxta yetiştirilayotgan “Agroklaster Oltinköl” korxonasining umumiy ekin maydoni 850 gektarni taşkil etadi. Şundan 23 gektarida Şinjon usuli asosida paxta yetiştiriş yölga qöyilgan.

Şinjon texnologiyasida çigit plyonka ostiga qöş qatorlab ekiladi. Bu tuproq namligi va haroratini barqaror saqlaşga, çigitning erta va bir tekis unib çiqişiga xizmat qiladi. Tomçilatib suğoriş va oziqlantiriş tizimi orqali suv hamda öğit bevosita ğöza ildiziga yetkaziladi. Natijada ortiqça sarfning oldi olinib, suv 40 foizgaça, öğit esa qariyb 30 foizga tejaladi.

Ananaviy usulda bir gektar maydondan örtaça 30-35 tsentner paxta olinsa, Şinjon texnologiyasida uşbu körsatkiç 60-70 tsentnerga yetadi. Plyonka ostida şakllangan qulay mikroiqlim tufayli hosilni ananaviy maydonlarga nisbatan 10-15 kun ertaroq yiğib oliş mumkin. Korxonada agrotexnik tadbirlarning asosiy qismi agrodronlar yordamida bajarilmoqda. Bu maxsus texnikalardan foydalaniş ehtiyojini va yoqilği sarfini keskin kamaytirmoqda.

Davlat rahbariga loyihaning natijalari, iqtisodiy samaradorligi va mazkur texnologiyani yanada kengaytiriş rejalari haqida axborot berilgan.