“Oreşnik” hali jangovar qöllanilmadi – Putin

Rossiya Prezidenti Vladimir Putin “Oreşnik” hali jangovar qöllanilmaganini aytdi va Ukrainadagi mahallalarga aynan şu qurol orqali zarba beriş bilan tahdid qildi. Bu haqda u keça, 5 iyun kuni Sankt-Peterburg xalqaro iqtisodiy forumi doirasida xalqaro axborot agentliklari rahbarlari bilan uçraşuvda söz oçdi.

Vladimir Putin “Oreşnik”ning qöllanilişi haqidagi savolga javob berar ekan, u şu paytgaça jangovar maqsadlarda işlatilmaganini aytgan. 

“Biz natijalarni köriş qulay bölgan joyga zarba berdik. Bu Belaya Tserkov va DXR (Donetsk Xalq Respublikasi) hududiga ham tegişli. U yerga keyin bizning dronlarimiz uçib borib, millimetrigaça közdan keçirdi. Bu kelajakda “Oreşnik”ning nişonlarga, jumladan, şahar mahallalari hududida qöllanilişini kuzatiş uçun bizga juda muhim”, deydi Putin.

Şu bilan bir paytda u butun Donbassni egallab oliş rejasini yana bir bor bayon qilib, bu holat ehtimoliy tinçlik bitimi tuzilişiga zid emasligini qayd etgan. 

“Birinçidan, biri ikkinçisini istisno qilmaydi. Butun Donbass mintaqasini nazorat qiliş va bitim tuziş – bular bir-biriga zidmi? Nima uçun bu ziddiyatli deb hisoblayapsiz?” deydi u jurnalistlarga.

Ukrainadagi sof hududiy yöqotişlar fonida Putin yana bir bor Rossiya armiyasining“har kungi hujumi” haqida gapirib, uning iddaosiga köra, armiya “faqat oxirgi vaqtning özida” Ukraina hududining 2440 ming kvadrat kilometrini egallab olgan. 

“Hozirgi vaqtda Rossiya armiyasi Lugansk Xalq Respublikasini töliq – 100 foiz nazoratga oldi va Donetsk Xalq Respublikasi hududining 85 foizdan ortiğini öz nazorati ostiga qöydi”, deydi Putin va “yaqin-yaqingaça Ukraina Donetsk viloyatining taxminan 25 foizini nazorat qilib turganini” qöşimça qilgan.

Şuningdek, u Moskva Ankorijda bölib ötgan Rossiya-Amerika muzokaralari davomida erişilgan murosalar asosida Kiyev bilan kelişib olişni istayotganini malum qilgan. 

“Uşbu murosalarga Ukraina tomoni ham rozi bölişi kerak. Şunda mojaro tez orada özining tabiiy yakuniga yetadi”, deydi Putin.