Putinni hibsga oliş uçun order bergan prokuror işdan olindi

Rossiya Prezidenti Vladimir Putinni hibsga oliş orderini bergan Xalqaro jinoiy sud (XJS) boş prokurori Karim Xon jinsiy zöravonlik va tegajoğlik haqidagi ayblovlar sabab lavozimidan vaqtinça çetlatildi. Bu haqda “The New York Times” xabar berdi.

Xalqaro jinoiy sud saytida elon qilingan bayonotga köra, çetlatiş haqidagi qaror darhol kuçga kirgan. Intizomiy iş sudga azo davlatlar assambleyasi körib çiqişiga yuborilgan. Şuningdek, masalani muhokama qiliş uçun yaqin vaqt içida maxsus sessiya çaqirilişi rejalaştirilgan.

Sud bayonotida takidlanişiça, prokurorning çetlatilişi yakuniy qaror emas. Qaror BMTning Içki nazorat boşqarmasi ötkazgan tekşiruv hisoboti, mavjud dalillar, sud ekspertlarining tavsiyalari va yozma materiallar asosida qabul qilingan.

2024 yil noyabr oyida Xalqaro jinoiy sudga azo davlatlar assambleyasi Karim Xonga nisbatan jinsiy tegajoğlik böyiça tekşiruv boşlagan edi. Unga vakolatlarini topşiriş tavsiya qilingan. 2025 yil may oyida esa ayblovlar fonida mamuriy tatilga çiqqan.

Karim Xon 2023 yilda Vladimir Putin va Rossiyaning bolalar huquqlari böyiça vakili Mariya Lvova-Belovani hibsga oliş böyiça order çiqargan edi. Şundan söng Rossiya Tergov qömitasi unga va XJS sudyalariga nisbatan jinoiy iş qözğatgan.

Kreml Rossiya Xalqaro jinoiy sud yurisdiktsiyasini tan olmasligini bir neça bor takidlagan. Prezident matbuot kotibi Dmitriy Peskov sud qarorlarini huquqiy nuqtai nazardan haqiqiy emas deb baholagan.

2024 yilda XJS Isroil Boş vaziri Binyamin Netanyaxu hamda mamlakatning sobiq mudofaa vaziri Yoav Gallantni hibsga oliş orderini ham çiqargan edi. Şundan keyin AQŞ sudga qarşi sanktsiyalar joriy qilib, XJSni vakolatlarini suiistemol qilişda ayblagan.