FIFA eronliklar uçun ajratilgan çiptalarni bekor qildi

FIFA Eron muxlislari uçun 2026 yilgi Jahon çempionatining uçta öyiniga ajratilgan çipta kvotasini bekor qildi. Bu haqda Eron futbol federatsiyasi (FFIRI) bayonotiga tayanib, “Associated Press” xabar berdi.

Qoidalarga köra, mundialda iştirok etadigan 48 ta terma jamoaning har bir federatsiyasi stadionlar siğimining 8 foiziga teng çiptalarni oliş va öz muxlislari örtasida taqsimlaş huquqiga ega. Bu har bir öyin uçun bir neça ming çiptani taşkil etadi.
Biroq musobaqa boşlanişiga sanoqli kunlar qolgan bir paytda Eron futbol federatsiyasi endi öz muxlislariga mazkur kvota böyiça çiptalarni taqdim eta olmasligini malum qildi. FIFA hozirça FFIRI bayonoti yuzasidan rasmiy izoh bermagan.
Malum qilinişiça, ötgan yildan buyon Eron fuqarolari AQŞ tomonidan joriy etilgan sayohat çeklovlariga duç kelmoqda. Bu esa ularning Jahon çempionati uçun viza oliş imkoniyatini sezilarli darajada kamaytirgan.

2025 yil dekabr oyida bölib ötgan qura taşlaş marosimidan buyon Eron uçun ajratilgan çiptalarning qança qismi AQŞ va boşqa mamlakatlarda yaşovçi eronlik diaspora vakillariga sotilgani malum emas.