Qora kursidagi Taşiyev jamoatçilik oldida köriniş berdi

Qirğiziston Milliy xavfsizlik davlat qömitasining (MXDQ) sobiq rahbari Qamçibek Taşiyev lavozimidan ketganidan söng yana bor jamoatçilik oldida köriniş berdi. U uy-joyga muhtoj bölgan oilaga yangi xonadon kalitlarini topşiriş marosimida iştirok etdi. Bu haqda “24.kg” xabar berdi.

Qayd etilişiça, tadbir davomida Qamçibek Taşiyev yangi uy kalitlarini egalariga şaxsan topşirgan va oilaga farovonlik tilagan.

“Har bir inson öz uyiga ega bölişi kerak. Prezident Sadir Japarov fuqarolarning uy-joy muammolarini hal etişga qaratilgan siyosat olib bormoqda. Öş va Qorasuv şaharlarida ipoteka uylari qanday oçilganini özingiz kördingiz. Minglab oilalar öz uy-joyiga ega böliş imkoniyatini qölga kiritdi. Har bir muhtoj oilaning boşi ustida boşpanasi bölişi lozim”, deydi u.

Tadbir iştirokçilarining sözlariga köra, uy qurilişi oğir hayotiy vaziyatga tuşib qolgan oilaga xayriya yordami sifatida taşkil etilgan.

Qayd etiş joiz, Qamçibek Taşiyevning uşbu marosimda iştirok etişi uning MXDQ raisi lavozimidan istefoga çiqqanidan keyingi ilk ommaviy çiqişi böldi.