Bişkek şahrining Birinçi may tuman sudida sobiq mansabdor Qamçibek Taşiyevga oid iş böyiça navbatdagi sud jarayonida Taşiyev jurnalistlarning savollarini javobsiz qoldirdi hamda sud jurnalistlarga jarayondan jonli translyatsiya qilişni çeklab qöydi. Bu haqda “24.kg” xabar berdi.

Malum qilinişiça, 15 iyun kuni sobiq davlat qömitasi rahbari sud binosiga kelganida jurnalistlar unga bir qator savollar bilan murojaat qilgan. Biroq Taşiyev OAV vakillarining heç bir savoliga javob bermagan.

Avvalroq, jurnalistlarga sud zaliga kirişga ruxsat berilgandi. Qayd etilişiça, iltimosnomalarni körib çiqiş yakunlari böyiça sudya foto va videotasvirga olişga ruxsat bergan, ammo onlayn translyatsiyani taqiqlagan. Şu bilan birga, sudya, prokuror va sud kotibini tasvirga olişni ham çeklab qöygan.

Manbaga köra, “75 lar xati” deb nomlangan iş böyiça sud muhokamasi oçiq tarzda ötkazilişi haqida avvalroq qaror qabul qilingan. Şuningdek, iş materiallaridan maxfiylik grifi olib taşlangan.

Malumot uçun, jinoyat işi “75 lar xati” nomi bilan tanilgan siyosatçilar va jamoat arboblari murojaati bilan boğliq. Tergov talqiniga köra, uşbu murojaatda hokimiyatni özgartirişga çaqiriq alomatlari mavjud bölgan.

Iş figurantlari orasida Qamçibek Taşiyevdan taşqari sobiq boş prokuror Qurmanqul Zuluşev, Jogorku Keneşning sobiq spikeri Nurlanbek Turğunbek uğli hamda mamlakatning yana bir qator sobiq siyosatçilari bor. Ularga nisbatan hokimiyatni zöravonlik yöli bilan egallaşga tayyorgarlik köriş va mansab vakolatlarini suiistemol qiliş ayblovlari qöyilgan.

Taşiyev istefosi

Joriy yilning 10 fevral kuni Qirğiziston Milliy xavfsizlik davlat qömitasi raisi – Boş vazir örinbosari Qamçibek Taşiyev Prezident Sadir Japarovning farmoni bilan lavozimidan ozod etildi. U öz qarorini “jamiyatda bölinişga yöl qöymaslik” istagi bilan izohladi. Qamçibek Taşiyevning özi bu haqda Germaniyada yurak operatsiyasidan söng rejali tekşiruvda bölganida xabar topganini malum qildi.

Taşiyev ortidan uning birinçi örinbosari Qurbonbek Avazov, kiberxavfsizlik markazi direktori Daniel Risaliyev va Antiterror markazi direktori Elizar Smanov işdan olindi. Abdukarim Alimboyev Milliy xavfsizlik davlat qömitasi (MXDQ) raisining birinçi örinbosari lavozimidan ozod etilib, Davlat çegara xizmati raisi etib tayinlandi. Uning örnini Xavfsizlik kengaşi kotibi lavozimida işlab kelayotgan Rustam Mamasadiqov egalladi. 

2020 yildan buyon Milliy xavfsizlik davlat qömitasining 9-xizmati boşliği va rais örinbosari lavozimida işlab kelgan Jumgalbek Şabdanbekov Qirğiziston Milliy xavfsizlik davlat qömitasi raisi vazifasini vaqtinça bajaruvçi etib tayinlandi.

Şuningdek, şu kunning özida Çegara xizmati davlat qömitasi tarkibidan çiqarildi.

Japarov va Taşiyev tandemi

Malumot uçun, Qamçibek Taşiyev 2020 yil 16 oktyabr kuni Qirğiziston Milliy xavfsizlik davlat qömitasi raisi etib tayinlangan edi. Farmonni 2020 yil 5–6 oktyabr voqealaridan söng prezident vazifasini bajaruvçi sifatida Sadir Japarov imzolagan.

Qamçibek Taşiyev va amaldagi Prezident Sadir Japarov örtasidagi köp yillik munosabatlar mamlakatdagi eng barqaror va tasirli siyosiy ittifoqlardan biri sifatida baholanib kelgan. Ularning hamkorligi hokimiyat tepasiga kelişidan ança oldin boşlangan: 2010 yillar boşida ular bir neça bor siyosiy jarayonlarda bir tomonda bölgan, 2012 yildagi umumiy jinoiy epizodni ham birga boşdan keçirgan, bu esa ularning şaxsiy yaqinligini yanada mustahkamlagan.

2020 yil oktyabr voqealaridan söng tandem yakuniy şaklga keldi: Sadir Japarov Prezident lavozimini egalladi, Qamçibek Taşiyev esa MXQ rahbari etib tayinlanib, kuç blokining asosiy tayançiga aylandi. Aynan u eng şov-şuvli işlarni nazorat qilgan, kuç siyosatini şakllantirgan va amalda Prezident jamoasining eng yaqin işonçli şaxslaridan biri bölib kelgan.

Ekspertlar orasida ularning ittifoqi köpinça mamlakatdagi eng mustahkam siyosiy duet deb atalardi, Qamçibek Taşiyev atrofidagi har qanday kadr özgarişlari esa hokimiyat konfiguratsiyasidagi jiddiy özgarişlar belgisi sifatida qabul qilinar edi.

Sönggi paytlarda siyosiy doiralarda maxsus xizmat rahbarining bölajak Prezident saylovlarida iştirok etişi mumkinligi haqida miş-mişlar tarqalgan edi. Qamçibek Taşiyev esa bir neça bor prezidentlik poygasida qatnaşmoqçi emasligini va Sadir Japarovni qöllab-quvvatlaşini malum qilgan.