Yonilği taqçilligi tufayli Qozoğiston çegarada nazoratni kuçaytiradi
Qozoğistonda mamlakat içida yonilği taqçilligiga yöl qöymaslik maqsadida çegaralardagi nazorat kuçaytirilmoqda. Bunday topşiriqni mamlakat Boş vazir Oljas Bektenov bergan. Bu haqda “Ulysmedia.kz” xabar berdi.
Qayd etilişiça, hozirgi vaqtda mamlakatdagi barça neftni qayta işlaş zavodlari odatiy tartibda işlamoqda. Rasmiy malumotlarga köra, Qozoğistondagi benzin, dizel va aviatsiya yonilğisi zaxiralari 1 million tonnadan oşadi.
Yonilği bilan boğliq vaziyat fonida Boş vazir çegaralardagi nazoratni kuçaytiriş hamda yoqilği-moylaş materiallarining noqonuniy olib çiqib ketilişining oldini oliş uçun qöşimça çoralar köriş böyiça topşiriq bergan. Hukumat buni içki bozorda barqaror zaxiralarni saqlab qolişning asosiy vazifalaridan biri deb hisoblaydi.
Içki işlar vazirligi malumotlariga köra, faqatgina sönggi bir oy içida qariyb 12 tonna yoqilği-moylaş materiallari olib çiqib ketilişining oldi olingan. Bundan taşqari, huquq-tartibot idoralari xodimlari yonilğini noqonuniy olib çiqişda foydalanilişi mumkin bölgan benzin baklari qayta jihozlangan 54 ta avtomobilni aniqlagan.
Eslatib ötamiz, avvalroq Rossiyaning Moskva şahridagi bir qator avtoyonilği quyiş şoxobçalarida (AYoQŞ) yonilği sotişga çeklovlar joriy etilgani haqida xabar berilgan edi.