Nepal va Xitoy çegarasida yuz bergan kuçli suv toşqinlari oqibatida kamida 472 kişi halok böldi, 1,5 mingdan ortiq odam bedarak yöqoldi. Bedarak yöqolganlar orasida 30 dan ortiq davlat fuqarolari, jumladan, sayyohlar, işçilar va ziyoratçilar ham bor. Bu haqda “Associated Press” xabar berdi.

Qayd etilişiça, minglab odamlar qutqarilgan, jarohatlanganlarning ayrimlari Nepal poytaxti Katmandu hamda yaqin hududlardagi şifoxonalarga olib borilgan. Qidiruv-qutqaruv işlari davom etayotgani sababli bedarak yöqolganlarning soni özgarişi mumkin.

Nepal Tabiiy ofatlarni boşqariş boşqarmasi mamlakatda 469 kişi halok bölgani, 977 kişi bedarak yöqolganini malum qilgan. Şuningdek, 3 253 kişi vertolyotlar yordamida qutqarilgan.

Xitoyning Tibet hududida esa kamida uç kişi halok bölgan, 558 kişi bedarak yöqolgan. Ularning 260 nafari xorijliklar ekani aytilmoqda. Bundan taşqari, Nepal hududida qariyb 100 nafar Xitoy fuqarosi bilan ham aloqa yöqolgan.

Tabiiy ofatdan Hindiston, AQŞ, Malayziya, Ukraina, Avstraliya, Buyuk Britaniya, Kanada, Janubiy Koreya, Singapur, Germaniya, Rossiya, Janubiy Afrika, Latviya, Yaponiya, Yangi Zelandiya, Frantsiya, Belgiya va Ispaniya fuqarolari ham zarar körgan.

Xususan, Hindistonning 288, AQŞning 90, Ukrainaning 55, Malayziyaning 51, Avstraliyaning 39 va Buyuk Britaniyaning 33 nafar fuqarosi bilan aloqa yöqolgan.

Rossiyaning Nepaldagi elçixonasi ham sakkiz nafar rossiyalik bedarak yöqolganini malum qilgan.

Nepal rasmiylariga köra, köplab xorijliklar hududga sayohat, iş yoki Tibetdagi hindular uçun muqaddas hisoblangan Kaylaş toğida ziyorat qiliş uçun kelgan.

Eslatib ötamiz, avvalroq Nepal va Tibetda yuz bergan kuçli suv toşqinlari oqibatida halok bölganlar va jabrlanganlar orasida Özbekiston fuqarolari yöqligi haqida xabar berilgan edi.