AQŞ xavotirda: mulozimlar orasida josus bölişi mumkin – CBS
AQŞ hukumati Eron bilan uruş sababli öq-dorilar tanqisligi haqidagi malumotlarning sizib çiqişi uşbu malumotlardan foydalaniş huquqiga ega bölgan tor doiradagi şaxslar orasidagi xorijiy razvedka agenti tufayli yuz bergan bölişi mumkinligidan xavotirga tuşgan. Bu haqda mulozimlarga tayanib, CBS telekanali xabar berdi.
Qayd etilişiça, tergovçilar Eron bilan uruş sababli öq-dorilar tanqisligi haqidagi malumotlar sizib çiqişini suriştiriş doirasida AQŞ Qurolli kuçlari Birlaşgan ştabining 50 ga yaqin harbiy va fuqarolik xodimlarini poligrafda (yolğonni aniqlaş uskunasida) tekşirgan.
“Öq-dorilar bilan boğliq vaziyat böyiça maxfiy tafsilotlardan juda tor doiradagi şaxslargina xabardor edi va kimdir potentsial ravişda xorijiy razvedka agenti sifatida harakat qilgan bölişi mumkinligidan xavotirlar bor edi”, deyiladi telekanal xabarida.
Manbalarning malumotiga köra, AQŞ Prezidenti Donald Tramp malumotlar sizib çiqqanidan juda ğazablangan. CBS suhbatdoşlarining sözlariga köra, barça mulozimlar poligraf tekşiruvidan ötgan. Şu bilan birga, hamma ham tekşirilmagan: xususan, bu çoralar Ştab boşliqlari birlaşgan qömitasi raisi, general Den Keynga daxl qilmagan.
Eslatib ötamiz, avvalroq Donald Tramp öq-dorilar zaxirasi haqida fikr bildirib, Qöşma Ştatlarning yana bir uruşda iştirok etiş ehtimolini baholagan edi. Xususan, AQŞ yetakçisi mamlakatda örta va yuqori sinfdagi öq-dorilarning amalda çeksiz zahirasi mavjud ekanini aytgandi.