Turkiya Prezidenti Rajab Toyib Erdöğan BMT Xavfsizlik Kengaşini isloh qilişga va veto huquqini bekor qilişga çaqirdi. Bu haqda u “Bloomberg” uçun yozgan maqolasida malum qildi.

Turkiya yetakçisining sözlariga köra, Xavfsizlik Kengaşining hozirgi tuzilmasi hamon Ikkinçi jahon uruşidan söng şakllangan kuçlar nisbatini aks ettirmoqda va ortiq zamonaviy şaroitga javob bermaydi. Erdöğanning bildirişiça, xalqaro inqirozlar “bir neçta poytaxt”ning qarorlariga boğliq bölib qolmasligi kerak, ular uçun masuliyat esa köproq sondagi davlatlar örtasida taqsimlanişi lozim. 

“Veto huquqini bekor qiliş har qanday mazmunli islohotning ham boşlanğiç nuqtasi, ham asosiy strategik maqsadiga aylanişi kerak. Islohot xuddi şu imtiyozning boşqa davlatlarga ham tarqatilişidan iborat böla olmaydi”, deydi u.

Şuningdek, u Boş assambleya doirasida heç bir davlat “xalqaro hamjamiyat köpçiligining xohiş-irodasiga doimiy ravişda tösqinlik qiliş huquqiga ega bölmasligi kerak” degan tamoyilga asoslangan keng koalitsiya tuziş zarur, deb hisoblaydi.

Uning fikriça, Xavfsizlik Kengaşi va Boş assambleya örtasidagi muvozanatni qayta tiklaş lozim.

Malumot uçun, BMT Xavfsizlik Kengaşining veto huquqiga ega doimiy azolari Buyuk Britaniya, Xitoy, Rossiya, AQŞ va Frantsiya hisoblanadi.

Eslatib ötamiz, avvalroq Rossiya va Xitoy AQŞ tomonidan tayyorlangan va Eronga qarşi sanktsiyalarga rioya etilişini nazorat qiluvçi mustaqil ekspertlar guruhi mandatini yana bir yilga uzaytirişni nazarda tutuvçi BMT Xavfsizlik Kengaşi rezolyutsiyasi loyihasiga veto qöygandi.