AQŞ yaqin kunlarda Eronga zarba berişga tayyorlanmoqda – “Bloomberg”

AQŞning yuqori martabali rasmiylari yaqin kunlarda Eronga ehtimoliy zarba berişga tayyorlanmoqda. Bu haqda manbalarga tayanib, “Bloomberg” xabar berdi.

Ularning malumotlariga köra, ehtimoliy hujum 21-22 iyun kunlari amalga oşirilişi mumkin, ammo rejalar özgarişi ehtimoli bor. Şu bilan birga, AQŞda “bir neçta federal agentliklarning yuqori rahbariyati” ham zarbaga tayyorgarlik körmoqda.

Manbalarning takidlaşiça, AQŞ yetakçisi Donald Trampning AQŞning Eron-Isroil mojarosiga aralaşuvi haqidagi pozitsiyasi sönggi kunlarda respublikaçi ittifoqçilarning bosimi tufayli keskin özgargan.
Manbalarga köra, senator Lindsi Grem (Janubiy Karolinadan, respublikaçi) Trampni faol ravişda Tehronga qarşi harbiy çoralar körişga çaqirgan.

“The Wall Street Journal” avvalroq xabar qilganidek, Tramp 17 iyun kuni keçqurun yordamçilariga Eronga hujum qiliş rejasini maqullaganini, ammo uni amalga oşirişga hali buyruq bermaganini aytdi, çunki u Tehron yadro dasturidan voz keçişiga umid qilmoqda.
Isroil 13 iyunga ötar keçasi Eronga qarşi harbiy operatsiya boşladi, oradan bir kun ötmay Islom Respublikasi javob hujumini amalga oşirdi. Keyingi kunlarda mamlakatlar yana zarbalar almaşdi. Ikkala tomon ham uşbu hujumlar oqibatida qurbonlar va jabrlanganlar haqida xabar berib, bir qator nişonlarga zarba berilganini tan oldi. Özaro zarbalar davom etmoqda.