Isroilda bölib ötgan parlament saylovlarida arab partiyalari ilk bor rekord natijani qölga kiritdi. Ular endi 120 ta örindan 19 ta mandatga ega. 2022 yilda bu körsatkiç bor-yöği 10 tani taşkil etgan. Bu haqda “The Times of Israil” xabar berdi.

Naşrning yozişiça, Isroil Boş vaziri Binyamin Netanyaxuning hukmron blogi ovozlar 100 foiz körib çiqilgaç, parlamentda 53 ta öringa ega bölgan. U köpçilikni taşkil etiş uçun zarur bölgan mandatlar sonini yiğa olmagan. Muxolifat partiyalari esa 48 ta örinni egallagan.

Heç kim talab qilinadigan köpçilikni – 61 ta örinni töplay olmayapti. Ekspertlarning fikriça, bu yangi hukumatni şakllantirişni qiyinlaştiradi. Bundan oldingi saylovlarda Netanyaxu tarafdorlari Knessetda 64 ta öringa ega edi.

Şu bilan birga, hukumatparast “Likud” partiyasi saylovlar “öğirlanganini” malum qilgan. Ultraöng siyosatçi Itamar Ben-Gvir göyoki Qatardan moliyalaştirilganlikda gumonlar borligini rökaç qilib, arab partiyalari yetakçilarini hibsga olişga çaqirgan. Bunday moliyalaştiriş böyiça heç qanday oçiq dalillar taqdim etilgani yöq.

Agar muxolifat partiyalari arab siyosiy kuçlari bilan hamkorlik qilişga kelişib olsa, ular Knessetda 67 ta örinni birlaştirişi va köpçilikni şakllantirişlari mumkin böladi.

Eslatib ötamiz, avvalroq Isroilda parlament saylovlarida Binyamin Netanyaxu boşçiligidagi hukmron koalitsiya va uning raqiblari hukumat tuziş uçun zarur bölgan köpçilik örinni qölga kirita olmasligi mumkinligi haqida xabar berilgan edi.