Sayyoradagi eng baland temiryöl köprigi oçildi

Hindiston Boş vaziri Narendra Modi mamlakat şimolidagi Jammu va Kaşmir viloyatida Çenab daryosi ustidagi dunyodagi eng baland temiryöl köprigida harakatni oçdi. Bu haqda “Hindustan Times” gazetasi xabar berdi.

“Jammu va Kaşmirni Hindistonning qolgan qismi bilan birinçi marta temiryöl orqali boğlaydigan Çenab daryosi ustidagi köprik mintaqada transport infratuzilmasi va turizm industriyasini rivojlantirişga yordam beradi. Bu buyuk voqea Hindiston xalqining birligi va irodasini ifodalaydi”, dedi Modi.

Himolay toğlari etaklarida Çenab daryosi ustida qurilgan köprik uzunligi 1,3 km bölib, uning markaziy qismi 467 metr, daryo yuzasidan 359 metr balandlikda joylaşgan bölib, u sayyoradagi eng baland temiryöl köprigi hisoblanadi.
Yangi köprik Kaşmirda kam uçraydigan zilzilalarga, şuningdek, 74 m/s gaça bölgan şamolga bardoş bera oladi.
Köprikni quriş uçun dunyodagi eng uzun deb tan olingan noyob kabel kranidan foydalanilgan. Loyihaning qiymati taxminan 160 million dollarni taşkil etdi.
Taşrif davomida Modi, şuningdek, Kaşmir şaharlarini Hindistonning boşqa qismlari bilan boğlaydigan Udhampur–Srinagar–Baramulla temiryöl liniyasini ham oçdi.