Hindistonda amaldor ortiqça yuk haqini tölaşni söragan aeroport xodimlarini qahraton kaltaklab, ularning suyaklarini sindirdi

Hindistonlik amaldor aeroport xodimlari bilan muştlaşib, ortiqça yuk uçun pul tölaşdan boş tortdi va ularni oğir jarohatladi. Bu haqda Times of India xabar berdi.

Malumotlarga köra, Hindiston armiyasining amaldori Riteş Kumar Singx Şrinagar aeroportida SpiceJet aviakompaniyasi xodimlariga şafqatsiz tarzda hujum qilgan. Mojaro yuk oğirligi sabab yuzaga kelgan — amaldor ruxsat etilgan meyordan ança oğir bölgan qöl yuki bilan uçişni istagan, ammo xodimlar ortiqça yuk uçun tölov talab qilgan. Singx esa rad etib, röyxatdan ötmasdan samolyotga ötişga uringan. Xodimlar uni töxtatmoqçi bölganida, u tört kişi bilan janjallaşib, ularga hujum qilgan.

Oqibatda xodimlardan birining umurtqa poğonasi singan, yana birining jaği qattiq şikastlangan. Hujum paytida boşqa xodimning yuziga tepgani natijasida uning burni va oğzidan qon oqqani qayd etilgan. Qöriqçilar va politsiya xodimlari tajovuzkorni töxtatişga uringan, ammo u politsiya kelganidan keyin ham hujumni davom ettirgan.

Riteş esa özini SpiceJet xodimlari tomonidan qözğatilgan mojaro qurboni deb atab, politsiyaga qarşi şikoyat qilgan. Aviakompaniya hodisa videoyazuvini taqdim etib, yölovçini “qara röyxat”ga kiritiş jarayonini boşlagan.

Hindiston Mudofaa vazirligi vaziyatni sinçkovlik bilan örganib çiqişini, tekşiruv natijalariga köra zarur çoralar körilişini malum qildi. Armiya qömondonligi esa barça ayblovlarga jiddiy yondoşişini va intizomning yuqori standartlariga qatiy rioya qilişini takidladi.