Maşinada qulflanib qolgan bola issiqdan vafot etdi

Italiyaning Sardiniya orolida 4 yoşli bola issiqda maşina içida qolib ketib, vafot etdi. Bu haqda “Rupor” xabar berdi.

Hodisa 6 avgust kuni orolning şimoli-ğarbida joylaşgan Olmedo kurort qişloğida sodir bölgan. Ruminiyalik 4 yoşli bola Olmedo qişloğiga ota-onasi bilan borgan. Bola ota-onasi dam olayotgan paytda uydan çiqib ketgan va onasi uni havo harorati 50 darajadan oşgan avtomobil içidan topgan. 

Dastlab bola Sassari şahridagi Santissima Annunziata şifoxonasiga yetkazilgan, söngra Rimdagi Gemelli şifoxonasiga köçirilgan. Biroq şifokorlarning say-harakatlariga qaramay, u 11 avgust kuni vafot etgan. Italiyaning tegişli organlari voqea yuzasidan barça holatlarni aniqlaş uçun tergov boşlagan.