Polşada dron quladi. Aybdor Rossiyami? 

Joriy yilning 20 avgust kuni Polşaning Lukovskiy tumanidagi Osiniy qişloğida (Ukraina çegarasidan 100 km uzoqlikda) nomalum obekt qulab, portlaş sodir böldi. Bu haqda “Tysol” xabar berdi.

Hodisa oqibatida bir neçta uylarning oynalari şikastlangan. Voqea joyida kuygan metall va plastik bölaklari topilgan. 

Polşa Mudofaa vaziri Vladislav Kosinyak-Kamiş hodisa böyiça çiqiş qilib, bu “ehtimol qulagan dron” bölişi mumkinligini aytgan. Uning sözlariga köra, ekspertiza natijasida obekt harbiy yoki kontrabanda maqsadida işlatilgani aniqlanadi. Vazir “sabotaj” ehtimolini ham istisno qilmagan. 
Dastlabki harbiy hisobotga köra, radarlar Polşa havo hududining buzilişini qayd etmagan. Bu malumotlar hali tekşirilmoqda.
Polşa Taşqi işlar vazirligi esa keça, 21 avgust kuni Rossiyaga rasmiy norozilik notasini topşirgan. Unda Moskva “atayin provokatsiya uyuştirganlikda“, Polşa suverenitetini buzişda, 1992 yilgi döstlik va hamkorlik şartnomasi hamda 1944 yilgi Çikago konventsiyasini buzişda ayblangan. Varşava hodisa yuzasidan Rossiyadan izoh talab qilgan. 
Malumot uçun, 1944 yilgi Çikago konventsiyasi – xalqaro fuqaro aviatsiyasi sohasidagi asosiy hujjat bölib, öşa yilning 7 dekabr  AQŞning Çikago şahrida 52 ta davlat tomonidan imzolangan va 1947 yilda kuçga kirgan. Konventsiyada davlatlarning öz havo hududi ustidan töliq suverenitetga ega ekani tan olingan, fuqaro aviatsiyasi uçun umumiy xalqaro qoidalar belgilangan, xavfsizlik çoralari, aviatsiya standartlari, uçiş va qöniş tartiblari körsatib ötilgan.