Tramp HAMASga 3-4 kun muhlat berdi

AQŞ prezidenti Donald Tramp Ğazo böyiça tinçlik rejasi yuzasidan Falastinning HAMAS harakatiga 3-4 kun muhlat berdi. Şu muddat içida harakatdan şartnomani qabul qiliş yoki qilmaslik borasida javob beriş talab qilinadi. Bu haqda The Guardian xabar berdi.

Tramp kelişuv rad etilsa, oğir oqibatlarga olib kelişini bildirmoqda. Bu haqda u Isroil boş vaziri Benyamin Netanyaxu bilan Vaşingtonda ötkazilgan matbuot anjumanida malum qilgan.

Rejaga köra, HAMAS qurolsizlantiriladi va siyosiy maydondan çetlaştiriladi. Ğazo esa Tramp rahbarligidagi muvaqqat texnokratik boşqaruv ostida böladi. Reja, şuningdek, 48 nafar isroillik asirni 72 soat içida ozod qilişni, Isroil qöşinlarining bosqiçma-bosqiç çekinişini va gumanitar yordam hajmining oşirilişini nazarda tutadi. Bundan taşqari, Ğazoda xalqaro xavfsizlik kuçlari joylaştiriladi va “tinçlik kengaşi” taşkil etiladi.

Hozirça HAMAS bunga rasmiy javob bermayapti. Guruh içki va taşqi rahbariyati bilan maslahatlaşuvlar olib borayotganini bildirmoqda. Rejani Turkiya, Qatar va Misr qöllab-quvvatlagan. Isroil rasmiylari ham uni ijobiy qarşi olgan