YeIning 7 davlati Rossiyadan energiya resurslari importini oşirdi

2022 yildan buyon Yevropaning Rossiya energiya taminotiga qaramligi 90 foizga kamayganiga qaramay, 2025 yilning dastlabki sakkiz oyida Yevropa Ittifoqi Rossiyadan 11 milliard yevrodan ortiq miqdorda energiya resurslarini import qilgan. Bu haqda “Reuters” xabar berdi.

Naşrning yozişiça, import hajmini oşirgan mamlakatlar orasida Vengriya, Frantsiya, Belgiya, Niderlandiya, Ruminiya, Xorvatiya va Portugaliya bor. Xususan, Frantsiya Rossiyadan yoqilği importini 40 foizga oşirib, 2,2 milliard yevroga yetkazgan, Niderlandiyada esa bu körsatkiç 72 foizga oşib, 498 million yevroga çiqqan. Rossiya gazidan butunlay voz keçiş ğoyasini rad etayotgan va Kreml bilan yaqin aloqalarni saqlab qolgan Vengriya hamda Slovakiya umumiy pul miqdorining 5 milliard yevrosini taşkil etgan. Vengriyada import qiymati 11 foizga oşgan.

Qayd etilişiça, Yevropa Ittifoqi allaqaçon Rossiya energiya resurslarining aksar qismini sotib olişni taqiqlagan va 2027 yilgaça Rossiyadan suyultirilgan tabiiy gaz (STG) importini töliq töxtatişni rejalaştirgan. Hozirda STG Yevroittifoqning Rossiyadan qilayotgan energetika xaridlarining deyarli yarmiga teng. CREA malumotlariga köra, 2022 yildan buyon Yevropa Ittifoqining Rossiyadan import qilgan energiya resurslari umumiy qiymati 213 milliard yevrodan oşgan.