Pezeşkiyon Tehron köçirilişi mumkinligini aytdi 

Eron Prezidenti Masud Pezeşkiyon uzoq davom etayotgan qurğoqçilik tufayli yuzaga kelgan suv inqirozi yanada kuçaysa, Tehron evakuatsiya qilinişi mumkinligi haqida ogohlantirdi. Bu haqda u mamlakat ğarbidagi Senendej şahriga xizmat safari çoğida malum qildi. 

Mahalliy hokimiyat bilan ötkazilgan yiğilişda Prezident mamlakatdagi iqtisodiy va ijtimoiy muammolar majmuasiga töxtalib ötgan.
Pezeşkiyon yuqori inflyatsiya va narxlarning oşişini içki boşqaruvdagi xatolar hamda taşqi sanktsiyalar bilan boğlagan. 

“Inflyatsiya va qimmatçilik uçun javobgarlik parlament va hukumat zimmasida. Işlar olib borilmoqda, biroq moliyaviy imkoniyatlar çeklangani sababli köplab loyihalarni oxiriga yetkazib bölmayapti”, degan Prezident. 

U, ayniqsa, köp yillik qurğoqçilik tufayli yuzaga kelgan suv taminoti böyiça oğir ahvolga etibor qaratgan. 

“Eron tabiiy muammolar bilan yuzma-yuz kelmoqda. Yoğingarçilikning yetişmasligi va suv resurslarining tugab borişi oğir oqibatlarga olib kelişi mumkin”, degan Pezeşkiyon.

Prezident suv va energiyani qatiy tejaş, resurslarni ança oqilona boşqariş zarurligini aytib, poytaxtdagi xavotirli vaziyatni alohida takidlagan.

“Agar tez orada yomğir bölmasa, kelasi oydan Tehronda suv taminotiga qattiq çeklovlar joriy etamiz. Agar yoğingarçilik bölmasa – zaxiralar tugaydi va biz şaharni evakuatsiya qilişga majbur bölamiz”, degan Eron Prezidenti.