Korruptsiya mojarosi fonida Yermak istefo berdi

Ukraina Prezidenti apparati rahbari Andrey Yermak bugun, 28 noyabr kuni Milliy korruptsiyaga qarşi byuro (NABU) uning uyida tintuv ötkazganidan söng istefo arizasini taqdim etdi. Bu haqda Ukraina Prezidenti Vladimir Zelenskiy malum qildi.

Yermakning istefosi Zelenskiy prezidentligi davridagi eng yirik korruptsiya mojarosi avj olayotgan bir paytga töğri keldi. Bu mojaroda Prezidentning yaqin atrofidagi şaxslar iştirok etgani aytilmoqda. Oy boşida Ukraina Milliy korruptsiyaga qarşi byurosi davlatga qaraşli “Energoatom” kompaniyasidagi korruptsiya sxemasi böyiça sakkiz nafar gumonlanuvçiga ayb qöydi. Tergovçilar bu sxema rahbari sifatida Zelenskiyning eng yaqin ittifoqçilaridan biri Timur Mindiçni körsatdi.

“Prezident apparati faoliyati qayta şakllantiriladi. Andrey Yermak, Prezident apparati rahbari, istefo arizasini yozgan. U Ukraina manfaatlarini muzokaralarda har doim kerakli darajada himoya qilgani uçun minnatdorlik bildiraman”, dedi Zelenskiy.