Qodirov Ukrainadagi uruş oxirigaça olib borilişi kerakligini aytdi

Çeçeniston rahbari Ramzan Qodirov Ukrainadagi uruşni tugatiş böyiça muzokaralarga qarşi ekanini va Moskva harbiy harakatlarni davom ettirişi lozimligini bildirdi. Bu haqda u bugun, 29 yanvar kuni jurnalistlar bilan suhbatda söz oçdi.

Özini Putinning “piyoda askari” deb ataydigan Qodirov jurnalistlar bilan suhbatda uruş masalasiga töxtalgan. Uning bayonotiga köra, tört yildan buyon davom etayotgan uruşda Rossiya çekinişi kerak emas.

“Menimça, uruşni oxiriga yetkaziş kerak. Men muzokaralarga qarşiman”, dedi Ramzan Qodirov.

Şu bilan birga, Çeçeniston rahbari uruşni qaçon va qanday töxtatiş masalasi faqatgina Prezident Vladimir Putinning ixtiyorida ekanini qöşimça qilgan. 

Kreml esa Rossiya Ukrainadagi maqsadlariga, avvalo, diplomatik yöl bilan erişişni afzal körişini, biroq bu imkonsiz bölsa, harbiy çoralar davom ettirilişini bildirgan.

Bu fikrlar aynan AQŞ Prezidenti Donald Tramp mojaroni yakunlaş uçun diplomatik say-harakatlarni kuçaytirayotgani bir paytda yangradi.