Eron va AQŞ örtasida yadroviy muzokaralar tiklanişi mumkin

Eron va AQŞ örtasida sönggi oylar davomida keskinlikning pasayişi sabab tomonlar yadroviy muzokaralarni qayta boşlaş masalasida oldinga siljimoqda. Bu haqda “Al Jazeera” xabar berdi. 

Eron Taşqi işlar vazirligi vakili Ismoil Bağoiyning aytişiça, bir neçta diplomatik taşabbuslar muhokama qilingan va yaqin kunlarda muzokaralar boşlanişi mumkin.

Xabarlarga köra, joriy yilning 6 fevral kuni Qatar, Turkiya, Misr va Ummon diplomatik say-harakatlari doirasida Istanbulda Eron va AQŞ vakillari örtasida uçraşuv ötkazilişi aytilmoqda. Unda AQŞning maxsus elçisi Stiv Uitkoff va Eron Taşqi işlar vaziri Abbos Aroqçi iştirok etişi mumkin. Biroq mazkur uçraşuv rasman tasdiqlanmagan.
Qayd etilişiça, Eron Prezidenti Masud Pezeşkiyon yadroviy kelişuv böyiça muzokaralarni qayta boşlaş böyiça topşiriq bergan. Keskinlikning yumşaşi AQŞ Prezidenti Donald Trampning yanvar oyida Yaqin Şarqqa harbiy kuçlarni yuborgani, biroq keyinçalik Tehronni yadroviy kelişuvga qaytişga çaqirgani fonida amalga oşmoqda. 

AQŞ Eronni uranni boyitişni töxtatiş, raketa dasturini çeklaş va mintaqadagi ittifoqçi qurolli guruhlarni qöllab-quvvatlaşdan voz keçişga çaqirmoqda. Tehron esa yadroviy dasturi faqat tinç maqsadlarda ekanini takidlab keladi va raketa masalasi muzokara mavzusi emasligini bildirib ötgan.
Tahlilçilarga köra, Eron iqtisodiy inqiroz va sanktsiyalar bosimi ostida qolayotgan bir paytda sanktsiyalarni yumşatiş Tehron uçun muhim ahamiyat kasb etmoqda. Şu bilan birga, Eron Oliy rahbari Oyatulloh Ali Xomanaiy har qanday taşqi hujum mintaqaviy uruşga olib kelişi mumkinligi haqida ogohlantirgan.