Yaponiya favqulodda neft zaxiralaridan foydalanişni boşladi

Eron uruşi sabab global energetika inqirozi kuçayib borayotgan bir paytda Yaponiya favqulodda neft zaxiralaridan foydalanişni boşladi. Bu haqda “Al Jazeera” xabar berdi. 

Malum qilinişiça, Yaponiya Boş vaziri Sanae Takaiçi ötgan hafta Eronning Hormuz böğozidagi kemalarga tahdidlari tufayli neft taminotida muammolar yuzaga kelişi mumkinligini aytib, zaxiradagi 80 million barrel neftni çiqariş rejasini elon qilgan.

Uşbu qaror Xalqaro Energetika Agentligi ham global bozordagi vaziyatni yumşatiş maqsadida rekord darajada – 400 million barrel neft çiqarişni muvofiqlaştirişini malum qilgan paytga töğri keldi.

Tahlilçilarga köra, odatda dunyo neft taminotining qariyb beşdan bir qismi ötadigan Hormuz böğozi orqali yuk taşiş deyarli töxtab qolgan. Şu sababli neft narxlari keskin oşmoqda. 

Sönggi haftada neft narxi bir neça bor barreliga 100 dollardan oşdi. Brent markali neft narxi joriy yilning 28 fevralida uruş boşlanganidan buyon bir neça foizga kötarilib, bugun, 16 mart holatiga köra bir barrel uçun 104,85 dollarni taşkil etdi.

Şu bilan birga, AQŞ Prezidenti Donald Tramp boşqa davlatlarni Hormuz böğozini oçişga yordam berişga çaqirgan. Biroq, Tokio hozirça bu hududga öz harbiy kemalarini yuboriş rejasi yöqligini bildirgan.

Malumot uçun, Yaponiya dunyodagi eng yirik neft importçilaridan biri bölib, mamlakat energiya ehtiyojining qariyb 80 foizini xorijdan keltiriladigan qazilma yoqilğilar hisobiga qoplaydi.