Eronga qarşi uruş tufayli 45 mln kişi oç qolişi mumkin – BMT

Yaqin Şarqdagi mojaro oçlikdan aziyat çekuvçilar sonining 45 million kişiga köpayişiga olib kelişi mumkin. Bu haqda BMT Jahon oziq-ovqat dasturi (JOD) ijroçi direktori örinbosari Karl Skau malum qildi.

“Bizning tahlillarimizga köra, agar Yaqin Şarqdagi mojaro iyun oyigaça davom etsa, narxlarning kötarilişi yana 45 million kişining ötkir oçlik holatiga tuşib qolişiga sabab bölişi mumkin”, deydi u.

Skauning sözlariga köra, bu dunyodagi oçlik darajasi rekord darajaga yetişiga olib keladi. Bu “dahşatli, juda dahşatli istiqbol”, deya qöşimça qilgan u. Hozirda butun dunyo böylab oçlikdan aziyat çekayotganlar soni 319 million kişini taşkil etmoqda, bu esa allaqaçon tarixiy maksimal körsatkiçdir.

Hormuz böğozida kemalar qatnovining deyarli butunlay töxtab qolgani va Qizil dengizdagi dengiz qatnovi uçun ortib borayotgan xavf allaqaçon energiya resurslari, yoqilği va öğitlar narxining oşişiga olib kelmoqda, bu esa Yaqin Şarqdan taşqarida ham oçlikni kuçaytirmoqda. Mojaro uzoq davom etuvçi oqibatlarga ega va dunyoning eng zaif qatlamlari uning tasiridan eng köp zarar köradi. Sahroi Kabirdan janubdagi Afrika va Osiyo mamlakatlari oziq-ovqat va yoqilği importiga qaramligi sababli eng köp xavf ostida qolmoqda.

Yaqin Şarqdagi uruş jahon oziq-ovqat inqirozini keltirib çiqarişi mumkinligi haqida avvalroq “Financial Times” naşri ham yozgan. Naşr malumotlariga köra, hujumlar Yaqin Şarqda eng keng tarqalgan azotli öğit – karbamid işlab çiqarişni izdan çiqargan. Şu bilan birga, gaz tanqisligi Janubiy Osiyodagi öğit işlab çiqaruvçilarni hajmni qisqartirişga majbur qilgan. Öğit narxi allaqaçon 40 foizdan köproqqa oşgan.

Xalqaro oziq-ovqat siyosati tadqiqot institutiga köra, energiya resurslari narxining oşişi oziq-ovqat inflyatsiyasini tezlaştirişi mumkin. Hormuz böğozi orqali Qatar, Umon, Saudiya Arabistoni va Erondan öğitlar taşilar edi.