Afğonistonda oçarçilik çuqurlaşmoqda – BMT
17-12-2025, 08:11
114 марта

Afğonistonda oçarçilik çuqurlaşmoqda – BMT
Afğonistonda oçarçilik inqirozi xalqaro moliyaviy yordam yetişmasligi tufayli tobora oğirlaşib bormoqda. Joriy qiş mavsumida oçarçilikdan bolalar ölimi köpayişi xavfi yuqori. Bu haqda bugun, 16 dekabr kuni Birlaşgan Millatlar Taşkiloti malum qildi.BMTning Jahon oziq-ovqat dasturi (JOD) önlab yillar davomida ilk bor töyib ovqatlanmaslikdan aziyat çekayotgan millionlab afğonlarga yetarli darajada yordam körsata olmayapti. Uruşdan jiddiy zarar körgan Afğonistonga xalqaro yordam hajmi 2021 yildan buyon AQŞ boşçiligidagi kuçlar mamlakatni tark etib, “Tolibon” hokimiyatni qayta qölga olganidan söng sezilarli darajada qisqargan. Vaziyat zilzilalar kabi qator tabiiy ofatlar oqibatida yanada oğirlaşgan.
BMT agentligi bayonotiga köra, Jahon oziq-ovqat dasturi önlab yillar içida ilk bor qiş mavsumiga yetarli tayyorgarlik köra olmayapti va butun mamlakat böylab favqulodda vaziyatlar hamda oziq-ovqat yordamini kengaytiriş imkoniyatidan mahrum. Eng zaif 6 million afğonistonlikni oziq-ovqat bilan taminlaş uçun 460 million dollardan ortiq mablağ zarur.
“Bolalar örtasida töyib ovqatlanmaslik darajasi sönggi ön yilliklardagi eng yuqori körsatkiçga yetdi. Şu bilan birga, zarur xizmatlarni körsatayotgan agentliklar uçun xalqaro moliyalaştiriş misli körilmagan darajada qisqardi, bu esa davolaniş imkoniyatlarini keskin çeklamoqda”, deyiladi xabarda.
Jahon oziq-ovqat dasturi hisob-kitoblariga köra, hozirda 17 million kişi oçlikdan aziyat çekmoqda. Bu ötgan yilga nisbatan qariyb 3 millionga köp. Ösiş qisman qöşni Eron va Pokistondan deportatsiya qilingan millionlab afğon migrant va qoçqinlar bilan boğliq. Eng sovuq qiş oylarida oziq-ovqat tanqisligi kuçayib, bolalar ölimi ortişi mumkin.
Şuningdek, gumanitar taşkilotlar Afğonistonga tösatdan qaytib kelayotgan aholi oqimini qabul qiliş uçun zarur infratuzilma yetişmasligidan ogohlantirmoqda.
“Biz hozirça atigi 12 foiz miqdorida moliyalaştirilganmiz. Bu jiddiy tösiq”, dedi Jahon oziq-ovqat dasturining oziq-ovqat xavfsizligi va ovqatlaniş tahlili böyiça direktori Jan-Martin Bauer Jenevada bölib ötgan matbuot anjumanida. Uning sözlariga köra, 3,7 million afğon bolasi töyib ovqatlanmaslikdan aziyat çekmoqda, ularning 1 million nafari oğir ahvolda.