Moskva şahar sudi Rossiya Adliya vazirligi tomonidan kiritilgan davo asosida "Moskvadagi Özbek milliy-madaniy muxtoriyati" mintaqaviy jamoat taşkilotini tugatiş töğrisida qaror çiqardi. Bu haqda InfoSCO naşri TASS malumotlariga tayanib xabar berdi.

Xabarga köra, taşkilot tugatilişiga sabab öz nizomida körsatilgan manzilda joylaşmagan va uning haqiqiy joylaşuvini aniqlaşning imkoni bölmagan. Bundan taşqari, taşkilot nizomida qonunçilikka zid bölgan bandlar mavjudligi aniqlangan. U yana öz faoliyati töğrisida Adliya vazirligiga hisobot, yani rahbar organlarining şaxsiy tarkibi, mablağlar sarfi va mol-mulkdan foydalaniş böyiça hujjatlarni taqdim qilmagani aytilmoqda. Şu sababli, Adliya vazirligi taşkilotni tugatiş töğrisida Moskva şahar sudiga mamuriy davo arizasi kiritgan.

Yuridik şaxslarning yagona davlat reyestriga köra, uşbu muassasa 2015 yilda röyxatdan ötgan. Vazirlik qarori bilan esa reyestrdan çiqarildi.

Taşkilotning rasmiy saytida keltirilişiça, uning asosiy maqsadlari — Rossiyadagi özbeklarning milliy ananalarini saqlaş, mehnat muhojirlarining ijtimoiy-madaniy moslaşuviga kömaklaşiş, barça millat vakillarining özbek xalqining madaniy merosiga kirişiga şaroit yaratiş hamda ekstremizmning oldini olişdan iborat bölgan.

Avvalroq, Rossiya Federatsiyasining Kurgan viloyatida 2023 yilda taşkil qilingan "Kurgan - Özbekiston döstlik  jamiyati" yopilişi mumkinligi haqida xabar bergan edik.