Bişkekning Pervomay tuman sudi qirğizistonliklarni Rossiya armiyasiga yollaş işi böyiça ayblanuvçilarga nisbatan ehtiyot çorasini yumşatdi. Bu haqda bugun, 28 aprel kuni sud vakiliga tayanib, TASS axborot agentligi xabar berdi.

“Bu iş böyiça barça ayblanuvçilar Qirğiziston Milliy xavfsizlik davlat qömitasi rahbari Qamçibek Taşiyev va Rossiyaning respublikadagi elçisi Sergey Vakunov örtasida bölib ötgan uçraşuvdan söng uy qamoğiga ozod qilinadi. Tergov ayblanuvçiga nisbatan ehtiyot çorasini özgartirişga qaror qildi”, deydi Qirğiziston xavfsizlik kuçlaridagi TASS manbasi.

“Ozodlik” radiosi xabariga köra, jinoyat işi böyiça hibsga olingan ikki kişi – Öşdagi “Rus uyi” xodimi Natalya Sekerina va ismi-şarifi töliq malum bölmagan S.V.T.ga nisbatan ehtiyot çorasi özgartirilgan.

“Sud şu tariqa Qirğiziston Milliy xavfsizlik davlat qömitasi tergovçisining iltimosnomasini qanoatlantirdi”, deb yozadi “Ozodlik” radiosi.

Unga köra, yana ikki ayblanuvçi – Öş hokimligi matbuot xizmati xodimi Sergey Lapuşkin va özini “siyosatşunos” va “afrikaşunos” deb ataydigan rossiyalik Viktor Vasilev hamon hibsda. Ularning advokatlari ehtiyot çorasini özgartiriş töğrisida iltimosnoma kiritmagan.