“Buyuk Isroil” ğoyasi qançalik real? Rasmiy pozitsiya oçiqlandi

Turkiya, Iroq, Suriya, Saudiya Arabistoni, Misr, Iordaniya çegaralarini öziga olgan “Buyuk Isroil” ğoyasi Isroil hukumatining siyosati emas.

Yaqin Şarqdagi 10 ga yaqin davlatlar çegaralarini öziga olgan “Buyuk Isroil” ğoyasi ijtimoiy tarmoqlarda köp muhokama qilinadi. Şu nuqtai nazardan, bu kabi qaraşlar qay darajada real siyosatni aks ettirişi va Isroil rasmiy pozitsiyasi bu borada qanday ekanligi haqidagi savolga javob berar ekan, elçi bu ijtimoiy tarmoqdagi şov-şuvdan boşqa narsa emasligini qayd etdi.

“Menimça, bunga özingiz javob berdingiz. Siz ijtimoiy tarmoqlarda tez-tez eşitamiz dedingiz. Bugungi kundagi muammo şundaki, har qanday ğoyaga ega bölgan odam, hatto bu notöğri yoki bir tomonlama ğoya bölsa ham uni ijtimoiy tarmoqqa joylaştirişi va göyoki bu haqiqatdek taqdim etişi mumkin va odamlar bunga munosabat bildirişadi. Ilgari bunday emas edi. OAVga faqat jiddiy ğoyalarga ega odamlar kelib, ularni taqdim eta olişardi”, dedi u.

Diplomatning qayd etişiça, bunday ekstremal ğoyalarning haqiqatga heç qanday aloqasi yöq va bu Isroil hukumatining siyosati emas.

“Men kafolat bera olamanki, bu Isroil hukumatining siyosati emas”, dedi u.