“Ер аҳолиси ҳаддан ташқари кўпайиб кетган”. Олимлар глобал хавф ҳақида огоҳлантирди

Инсоният ҳозирги истеъмол даражаси билан Ер барқарор таъминлай оладиган одамлар сонидан аллақачон ошиб кетди. Флиндерс университети олими Кори Бредшоу бошчилигидаги тадқиқотчилар 200 йилдан ортиқ вақт мобайнидаги аҳоли сонига оид маълумотларни таҳлил қилиб, шундай хулосага келди.

Экологлар буни “муҳитнинг сиғим чегараси” деб аташади: бу мавжуд ресурслар ва уларнинг тикланиш тезлигини ҳисобга олган ҳолда узоқ муддат давомида яшай оладиган индивилар сонидир. Муаллифлар ҳисоб-китобларига кўра, бугунги кунда энг мақбул кўрсаткич қарийб 2,5 миллиард кишини ташкил этади — бу кўрсаткичда ҳам барқарорлик, ҳам энг кам яшаш даражаси сақланиб қолади.

Айни пайтда Ернинг ҳақиқий аҳолиси эса қарийб 8,3 миллиард кишига етган. Тадқиқотчиларнинг баҳолашича, мутлақ чегара 12 миллиард атрофида, бироқ бу очлик, касалликлар ва можаролар каби жиддий хавфларни келтириб чиқаради.

Фото: БМТ ва ИИАСА-ЖРC моделлари асосида Ер аҳолиси сонининг ўтмишдаги динамикаси ва прогнозлари. Фото: Брадшаw эт ал., Энвирон. Рес. Латвия, 2026 йил

Таҳлиллар шуни кўрсатдики, 1950-йиллардан олдин ҳам аҳоли ўсиши тезлашган, лекин 1960-йилларда секинлаша бошлаган. Мавжуд тенденцияларга кўра, сайёра аҳолиси 2060-йиллар охири ёки 2070-йилларга бориб 11,7–12,4 миллиард кишилик энг юқори чўққига чиқиши мумкин.

Тадқиқотчиларнинг фикрича, барқарорлик даражаси бўлган 2,5 миллиард ва ҳозирги 8,3 миллиард ўртасидаги тафовут кўплаб замонавий муаммоларни — ресурсларнинг тугашидан тортиб экологик инқирозларгача изоҳлайди.

Сайёрамиз аллақачон зўриқиш остида. Энергия, ер ҳамда озиқ-овқатдан фойдаланишда зудлик билан ўзгаришлар қилинмаса, миллиардлаб одамлар беқарорликка юз тутади, дейди тадқиқотнинг етакчи муаллифи Кори Бредшоу.

Муаллифлар бу ерда гап моделларга асосланган тахминий ҳисоб-китоблар ҳақида кетаётганини ва уларнинг ўз чекловлари борлигини таъкидламоқда. Ҳақиқий динамикага ҳаддан ташқари кўп омиллар таъсир қилади ва уларнинг барчасини ҳисобга олишнинг иложи йўқ. Шунга қарамай, тадқиқотчилар ҳали ҳам умид бор, деб ҳисоблайди. Истеъмолни камайтириш ва ресурслардан фойдаланишга бўлган ёндашувларни ўзгартириш аҳволни яхшилаши мумкин — бироқ буни бугундан бошлаш керак.

“Ер аҳолиси ҳаддан ташқари кўпайиб кетган”. Олимлар глобал хавф ҳақида огоҳлантирди

“Ер аҳолиси ҳаддан ташқари кўпайиб кетган”. Олимлар глобал хавф ҳақида огоҳлантирди

Изоҳ қолдириш

Оммабоп хабарлар:

УРГАНЧДА СОДИР БЎЛГАН МУДҲИШ ҲОДИСА БЎЙИЧА ТЕЗКОР ХАБАР

Рамазон ойи 2026-йил қайси ойдан бошланиши айтилди

Кўп қаватли уйлардаги том йўлаклари: хавфсизликни ким назорат қилади?

Хоразмда тарихий ёдгорликка нисбатан ҳурматсизлик қилган блогерга расмий жазо тайинланди

Saytdan izlash

Saqlangan xabarlar

Tizimga kirish

Ro'yxatdan o'tish

Reset password

Terms of use

Disclaimers

Limitation on Liability

Copyright Policy

General

Maxfiylik siyosati

“Ер аҳолиси ҳаддан ташқари кўпайиб кетган”. Олимлар глобал хавф ҳақида огоҳлантирди

“Ер аҳолиси ҳаддан ташқари кўпайиб кетган”. Олимлар глобал хавф ҳақида огоҳлантирди

Изоҳ қолдириш

Мавзуга алоқадор:

Оммабоп хабарлар: