Eron Hormuz böğozini oçmayapti

Eron haligaça Hormuz böğozini töliq oça olmayapti, çunki u yerga örnatilgan barça dengiz minalarini aniqlay olmayapti va ularni tezkor zararsizlantiriş imkoniyatiga ega emas. Bu haqda “The New York Times” xabar berdi. 

Naşrning Amerika rasmiylariga tayanib yozilişiça, bu holat AQŞ va Eron delegatsiyalari örtasida Islomobodda ötkazilişi rejalaştirilgan muzokaralarni ham qiyinlaştirişi mumkin.

Malum qilinişiça, ötgan oyda Eron AQŞ va Isroil bilan mojaro boşlanganidan söng strategik böğozni kiçik kemalar orqali minalaştirgan. Minalar, dron va raketa hujumlari tahdidi bilan birga, neft tankerlari va boşqa kemalar harakatini deyarli töxtatib qöygan, bu esa energiya narxlarining keskin oşişiga va Eronga ham harbiy, ham diplomatik bosim vositasini bergan.

Şu bilan birga, Tehron tölov qilişga rozi bölgan kemalar uçun ötişni qisman oçiq qoldirgan. Eron hukumati tomonidan minalar xavfi haqida ogohlantirişlar tarqatilgan, ommaviy axborot vositalari esa xavfsiz yönalişlar xaritalarini elon qilgan.

Biroq amerikalik manbalarning takidlaşiça, bu yönalişlar işonçli emas, çunki minalaştiriş tartibsiz amalga oşirilgan. Eron barça minalar joylaşuvini qayd etmagan bölişi mumkin, ayrimlari esa suvda suzib yuradigan qilib örnatilgan.

Naşrning qayd etişiça, dengiz minalarini zararsizlantiriş ularni örnatişga nisbatan ança murakkab. AQŞda ham kuçli minalarni tozalaş imkoniyatlari çeklangan bölib, asosan maxsus trallarga ega kemalarga tayanadi. Eronning özi ham öz minalarini tezda yöq qiliş imkoniyatiga ega emas.