Янгиариқ туманида 8 ой давомида нечта жиноят содир бўлганлиги айтилди.

Янгиариқ туманида жиноятчилик 198 фоизга ошди: ИИБ ҳисоботи ва камчиликлар

Янгиариқ тумани Ички ишлар бўлими томонидан 2025 йилнинг ўтган 8 ойида жиноятчиликка қарши курашиш ва ҳуқуқбузарликларни олдини олиш борасида амалга оширилган ишлар ҳамда йўл қўйилган камчиликлар юзасидан ҳисобот йиғилиши ўтказилди. Тадбирда туман ИИБ бошлиғи, подполковник Ж.Р.Мадримов маъруза қилди.

Жиноятчилик 198 фоизга ошди

Ҳисоботга кўра, 2025 йилнинг январь–август ойларида Янгиариқ туманида 149 та жиноят қайд этилди. Бу кўрсаткич ўтган йилнинг шу даврида қайд этилган 50 та жиноятга нисбатан 198 фоизга кўп.

Содир этилган жиноятларнинг:

29 таси (19,4 %) олдини олиш мумкин бўлган,
29 таси (19,4 %) аниқланган,
91 таси (61,0 %) кибержиноятлардир.

Жиноятларнинг оғирлик даражаси

Ўта оғир жиноятлар – 33,3 % (3 тадан 4 тага),
Оғир жиноятлар – 910 % (10 тадан 101 тага),
Ижтимоий хавфи катта бўлмаган жиноятлар – 14,3 % (21 тадан 24 тага),
Унча оғир бўлмаган жиноятлар – 25 % (16 тадан 20 тага) ошган.

Олдини олиш мумкин бўлган жиноятлар

Қотиллик – 2 та ҳолат,
Ўғрилик – 4 та ҳолатдан 6 тага,
Фирибгарлик – 2 та ҳолатдан 5 тага,
Ўлим билан боғлиқ йўл-транспорт ҳодисалари – 3 та ҳолатдан 4 тага,
Автотранспорт воситасини олиб қочиш – 1 та,
Енгил тан жароҳати етказиш – 1 та ҳолатдан 3 тага ошган.
Шу билан бирга, ўлим билан боғлиқ бўлмаган ЙТХлар 55,6 фоизга камайди.

Шахслар жинояти

Аёллар томонидан содир этилган жиноятлар – 1 тадан 2 тага,
Вояга етмаганлар томонидан – 0 дан 1 тага,
Ёшлар томонидан – 9 тадан 10 тага,
Гуруҳ бўлиб содир этилган жиноятлар эса 60 % га камайган.

Маҳаллалардаги вазият
Энг кўп жиноят содир этилган ҳудудлар:

“Янгиобод” маҳалласи – 4 та жиноят (ўғрилик, фирибгарлик, оғир тан жароҳати етказиш),
“Ғалтак” маҳалласи – 2 та жиноят (ўғирлик, ўлим билан боғлиқ ЙТХ),
“Қўриқтом” маҳалласи – 2 та фирибгарлик.

Жами 37 та маҳалланинг 6 таси “сариқ” тоифага киритилди: “Дўстлик”, “Каттабоғ”, “Чакир”, “Тузлоқ”, “Янгиобод” ва “Ғалтак”. Қолган 31 та маҳалла “яшил” тоифага киритилди.

Ташаббус билан аниқланган жиноятлар
Тезкор хизмат ходимлари томонидан:

2 та фоҳишахона сақлаш,
2 та ўғирлик,
10 та гиёҳвандлик жиноятлари,
1 та маъмурий назорат қоидасини бузиш,
3 та ноқонуний қурол сақлаш ҳолатлари аниқланган.

Қидирув ишлари

Жорий йилда қидирувда бўлган 18 нафар шахсдан 15 нафари ушланди. Қидирув натижадорлиги 83,3 % ни ташкил этди. Шундан 2025 йилда қидирувга қўйилган 14 нафардан 13 нафари ушланган.

Янгиариқ тумани ИИБ раҳбарияти ҳисоботида таъкидланганидек, жиноятчиликка қарши курашишда камчиликлар мавжуд бўлса-да, ҳуқуқни муҳофаза қилиш органлари олдидаги асосий вазифа – маҳаллалар кесимида олдини олиш ишларини кучайтириш ҳамда кибержиноятларни камайтиришдан иборат.