Tanqiddan söng “Urganç–Yangiariq” yölida xazon yoqqan fuqarolarga çora körildi

Xorazm bugun jamoasi “Yangiariq–Urganç yölida yovvoyi ötlarni yoqiş holati xavotir uyğotdi” sarlavhasi ostida tarqalgan videomurojaat jamoatçilik örtasida jiddiy taşviş uyğotgan edi. Mazkur holat böyiça Ekologiya, atrof-muhitni muhofaza qiliş va iqlim özgarişi boşqarmasi Yangiariq tuman bölimi tomonidan örganiş işlari olib borildi.

Örganiş jarayonida “Urganç–Yangiariq” yöli böylab joylaşgan mahallalarda tozalaş işlari davomida şu hududda yaşovçi fuqarolar M.A va S.Nlar tomonidan aholi punktlarida angiz, xazon va ösimliklarning şox-şabbalari yoqilgani aniqlangan.

Qonunbuzarlik böyiça fuqarolarga nisbatan Özbekiston Respublikasi Mamuriy javobgarlik töğrisidagi kodeksning 88-moddasi 3-qismi bilan mamuriy bayonnoma rasmiylaştirildi. Şuningdek, holat yuzasidan hudud nazoratga olingani malum qilindi.