2025 йилда Хоразм вилояти йўллари: рақамлар ва амалга оширилган ишлар

2025 йилда Хоразм вилояти йўллари: рақамлар ва амалга оширилган ишлар

2025 йилда Хоразм вилоятида автомобиль йўллари инфратузилмасини яхшилаш, мавжуд йўлларни таъмирлаш ҳамда янги лойиҳаларни амалга ошириш бўйича кенг кўламли ишлар олиб борилди.

Маълумотларга кўра, вилоят ҳудудида жами 9 840 километр автомобиль йўллари мавжуд бўлиб, шундан 2 202 километри умумий фойдаланишдаги, 7 638,3 километри эса ички хўжалик йўлларига тўғри келади.

Умумий фойдаланишдаги йўллар таснифи

Умумий фойдаланишдаги автомобиль йўллари қуйидагича тақсимланган:

113 километр — халқаро аҳамиятдаги йўллар;
716 километр — давлат аҳамиятдаги йўллар;
1 373 километр — маҳаллий аҳамиятдаги йўллар.

Кўприклар ҳолати

Вилоятда жами 1 628 та кўприк мавжуд. Улардан:

853 таси умумий фойдаланишдаги йўлларда;
269 таси сув хўжалиги тизими тасарруфида;
506 таси маҳаллий ҳокимликлар қарамоғида.

Маълум қилинишича, маҳаллий ҳокимликлар тасарруфидаги кўприкларнинг 497 таси эгасиз ҳолатда экани қайд этилган.

2025 йилда амалга оширилган ишлар

Жорий йилда вилоят бўйлаб 920,4 километр автомобиль йўллари таъмирланган. Жумладан:

502,4 километр умумий фойдаланишдаги йўллар;
418 километр ички хўжалик йўллари таъмирдан чиқарилган.

Шунингдек, 19 та кўприк ҳамда 1 та йўл ўтказгич қурилиб, фойдаланишга топширилган.

Йирик инфратузилма лойиҳалари

Хоразм вилоятида бир қатор стратегик аҳамиятга эга йўл лойиҳалари амалга оширилмоқда. Жумладан, 4R159 (D216) “Урганч – Шовот – Туркманистон чегараси айланма йўли” лойиҳаси доирасида:

20 километр йўл қурилиши режалаштирилган;
10 километри реконструкция қилинган;
йўл кенглиги 9 метрдан 17,6 метргача кенгайтирилиб, 4 тасмали ҳолга келтирилган.

Бундан ташқари:

D215 “Урганч шаҳри – Хива шаҳри” йўлида қўшимча ҳаракат йўлаклари ташкил этилмоқда;
**D219 “Урганч шаҳар айланма йўли”**нинг 7 километри реконструкция қилинмоқда;
D214 “Урганч – Янгиариқ” йўлининг 1,9 километрида қурилиш ишлари давом этмоқда.

Мутахассисларнинг таъкидлашича, ушбу ишлар аҳолининг ҳаракатланиш қулайлигини ошириш, йўл-транспорт ҳодисаларини камайтириш ҳамда вилоятнинг транспорт салоҳиятини янада ривожлантиришга хизмат қилади.