“Bunyodkor”da oğir inqiroz: klub safar öyiniga boriş uçun pul topa olmadi
Superliga 15-turi doirasida Bunyodkor Navoiyda Qizilqum mehmoni bölişi lozim edi. Bugun, 30 iyul kuni klub safar öyiniga bora olmasligini malum qildi. Bu haqda Özbekiston Professional futbol ligasi xabar berdi.
Qayd etilişiça, ÖzPFLga yöllangan xatda “Bunyodkor” klubidagi oğir moliyaviy holat mazkur qarorga sabab sifatida körsatilgan. Yani, Bunyodkor klubida yöl çiptalarini xarid qiliş, safar davomida mehmonxonada istiqomat qiliş va delegatsiya azolarini ovqatlantiriş bilan boğliq xarajatlarni qoplaş uçun mablağ mavjud emas. Avvalroq, klub boş murabbiyi va qator futbolçilar jamoa azolari bir neça oydan buyon maoş olmayotgani, klub bazasida qator muammolar mavjud ekanligini malum qilgan.
Superliga reglamentidan kelib çiqib, 15-tur doirasida ötkazilişi rejalaştirilgan “Qizilqum” – “Bunyodkor” uçraşuvi uçun mehmonlarga texnik mağlubiyat yoziladi. Şuningdek, mavsum davomida bu kabi holat qayta sodir etilsa, “Bunyodkor” futbol klubini Superliga musobaqasidan çetlaştiriş masalasi Liga Ijroiya qömitasi kun tartibiga kiritiladi.
Öz navbatida, Liga “Qizilqum” – “Bunyodkor” uçraşuvini ötkaziş bilan boğliq barça taşkiliy masalalarni töxtatadi.