Endi oylik maoş keçiksa, kompensatsiya tölanadi
 
Oliy Majlis yalpi majlisida mehnat munosabatlarini yanada şaffof va zamonaviy tizimga ötkazişga qaratilgan muhim qonun loyihasi muhokama qilindi. Yangi taşabbusga köra, iş beruvçilar maoşni belgilangan muddatda tölamasa, har bir keçiktirilgan kun uçun xodimga qöşimça kompensatsiya tölaşi şart böladi.

Qonun loyihasi faqat iş haqini keçiktiriş masalasi bilan çeklanmaydi. Unda iş joyidagi tazyiq, kamsitiş va har qanday zöravonlik holatlarini taqiqlaş hamda jabrlangan xodimlarni himoya qilişga qaratilgan aniq huquqiy normalar ham nazarda tutilgan.

Şuningdek, işga qabul qiliş jarayonini soddalaştiriş orqali ortiqça qoğozbozlikka barham beriş rejalaştirilmoqda. Endi fuqarodan asosan faqat şaxsiy identifikatsiya raqami talab qilinişi mumkin. Bu esa işga joylaşiş jarayonini tezlaştirib, ortiqça byurokratik tösiqlarni kamaytiradi.

Loyihada mehnat sohasini raqamlaştirişga alohida etibor qaratilgan. Xususan, elektron mehnat daftarçasidan köçirma oliş amaliyoti bekor qilinadi va elektron imzo va Face-ID orqali tasdiqlaş oddiy imzo bilan teng yuridik kuçga ega böladi.

Muhokamalar davomida qonun loyihasi tadbirkorlar va ekspertlar tomonidan ham qizğin bahslarga sabab bölgan.
Yangi tartiblar iş beruvçi va xodim örtasidagi munosabatlarda masuliyat va adolat tamoyillarini kuçaytirişi kutilmoqda.