Qaşqadaryo viloyatida noruda hisoblangan qum-şağal aralaşmasini noqonuniy qazib, davlat va jamiyat manfaatlariga jami 1,3 milliarddan köp zarar yetkazganlar qölga olindi. Bu haqda Boş prokuratura huzuridagi Iqtisodiy jinoyatlarga qarşi kuraşiş departamenti xabar berdi.

Malum qilinişiça, departamentning Qaşqadaryo viloyati boşqarmasi tomonidan ötkazilgan tergovga qadar tekşiruvda fuqaro N.N. va boşqalar özaro til biriktirib, Qamaşi tumanidagi Qaşqadaryo” daryosining “Qöşkapa” MFY hududidan oqib ötuvçi qismida 26 614,4 metr kub noruda hisoblangan qum xomaşyosini özboşimçalik bilan qazib olib, davlat va jamiyat manfaatlariga 665,5 million sömlik zarar yetkazganliklari aniqlangan.

Şuningdek, departamentning Çiroqçi tumani bölimi tomonidan ötkazilgan tergovga qadar tekşiruvda “S.O.” xususiy korxonasi masul şaxslari “Çiyalinskoe (1973)” konining belgilangan çegarasidan taşqarida 15 338,8 metr kub noruda hisoblangan qum-şağal aralaşmasini özboşimçalik bilan qazib olib, davlat va jamiyat manfaatlariga 400,2 million sömlik zarar yetkazganliklari aniqlangan.

Viloyatning Mirişkor tumanidagi tekşiruvda qayd etilgan holatda esa fuqaro M.M. va boşqalar özaro til biriktirib, “H.F.” MÇJning “Çandir” MFY hududidagi yer maydonida 9 755,7 metr kub qum xomaşyosini özboşimçalik bilan qazib olib, davlat va jamiyat manfaatlariga 253,5 million sömlik zarar yetkazganliklari aniqlangan.

Bildirilişiça, yuqoridagi holatlar yuzasidan Jinoyat kodeksining 229-moddasi (özboşimçalik) bilan jinoyat işlari qözğatilib, tergov harakatlari ötkazilmoqda.

Eslatib ötamiz, avvalroq Samarqand viloyatida qum-şağal aralaşmasini noqonuniy qazib oliş oqibatida tabiatga salkam 300 milliard söm zarar yetkazganlar qölga olingandi.