Farğonadagi tsexda yonğin böldi
Keça, 18 iyun kuni Farğona viloyatining Marğilon şahrida joylaşgan poyabzal işlab çiqariş tsexida yonğin sodir böldi. Bu haqda Favqulodda vaziyatlar vazirligi xabar berdi.
Malum qilinişiça, soat 15:36 da “112” tizimi orqali viloyat Favqulodda vaziyatlar boşqarmasiga şaharning “Tuyagum” mahallasi Oydin köçasida joylaşgan xonadonlardan birida yonğin yuz berayotgani haqida xabar kelib tuşgan.
Şunga köra, voqea joyiga 8 ta yonğin-qutqaruv ekipaji soat 15:41 da yetib borgan. Yonğin soat 16:00 da qurşab olinib, soat 16:20 da töliq bartaraf etilgan.
Yonğin oqibatida xonadonning 120 kvadrat metr, unga tutaş poyabzal işlab çiqariş tsexining 120 kvadrat metr hamda çinni buyumlar saqlanadigan omborxonaning 60 kvadrat metr maydonidagi tom qismi, içki jihozlar va mahsulotlar yonib zararlangan. Tezkor harakatlar tufayli binolarning 200 kvadrat metr maydoni saqlab qolingan. Hodisa oqibatida jabrlanganlar qayd etilmagan.
Hozirda yonğinning kelib çiqiş sabablari va yetkazilgan moddiy zarar miqdori aniqlanmoqda.
Eslatib ötamiz, avvalroq Qöyliq dehqon bozori hududida ham yonğin sodir bölgani haqida xabar berilgandi.