Saida Mirziyoyevaga 5 nafar örinbosar tayinlanadi

Özbekiston Respublikasi Prezidenti Administratsiyasi rahbariga 5 nafar örinbosar lavozimi joriy etildi. Bu Prezident Şavkat Mirziyoyev tomonidan imzolangan “Davlat boşqaruvi tizimida samaradorlik, proaktivlik va natijadorlikni oşiriş çora-tadbirlari töğrisida”gi farmonda belgilandi. 
Uşbu Farmonga muvofiq, Prezident Administratsiyasining yangi tuzilmasi tasdiqlandi. Natijada Administratsiya va uning tarkibidagi taşkilotlarda 284 ta ştat qisqartirildi, takrorlanuvçi lavozimlar optimallaştirildi.

Farmonga asosan, endilikda Prezident Administratsiyasi faoliyatida 5 ta ustuvor yönaliş belgilandi. Bular – talim, biznes, sud-huquq tizimi, tibbiyot va suv resurslari masalalaridir. Uşbu yönalişlarda islohotlarni samarali amalga oşiriş maqsadida Prezident Administratsiyasi rahbariga 5 nafar örinbosar lavozimi joriy etildi.
Bundan taşqari, Prezidentning strategik rivojlaniş, taşqi siyosat böyiça yangi maslahatçi lavozimlari kiritilib, moliyaviy texnologiyalar, raqamlaştiriş va suniy intellekt, kreativ iqtisodiyot va turizmni rivojlantiriş, jamoat xavfsizligi va qonun ustuvorligi, tadbirlarni taşkillaştiriş, yiğiliş va hududlarga taşriflar uçun tahliliy kontent tayyorlaş böyiça, şuningdek, kommunikatsiya departamentlari taşkil etildi.