Özbekistonda elektr energiyasi istemoli rekordi yangilandi

Özbekistonda elektr energiyasi istemoli rekordi yangilanib, birinçi marta yozgi istemol hajmi qişgi istemol hajmini ortda qoldirdi. Bu haqda Energetika vazirligi malum qildi.
Milliy dispetçerlik markazi malumotlariga köra, 2025 yil
16 iyuldan 21 iyulgaça bölgan anomal issiq davrda Özbekiston energetika tizimida sutkalik elektr energiyasi istemoli va yuklamasi böyiça yangi tarixiy rekordlar qayd etilgan. Xususan, birinçi marta elektr energiyasi istemolida yozgi körsatkiçlar qişki maksimal körsatkiçlardan oşgan. Jumladan:

• 2025 yil 18 iyul kunlik istemol miqdori 272,6 mln kVt•soat, bu qişki maksimumdan (271,8 mln kVt•soat) va avvalgi yozgi rekorddan (253,3 mln kVt•soat) oşib ketdi.
• Keça, 21 iyul kuni soat 17:00 da energetika tizimining maksimal quvvati 13,3 GVtga yetdi, bu qişki rekorddan (12,5 GVt) va 2024 yil iyul oyidagi körsatkiçlardan (11,8 GVt) yuqori.

Eng katta ösiş Toşkent şahrida qayd etilgan. Xususan:

• Sutkalik istemol - 32,4 mln kVt•soat (2024 yilda kuzatilgan maksimal istemol - 30,5 mln kVt•soat)ga yetib, 2024 yilning mos davriga nisbatan 33%ga köpni taşkil etgan.
• Eng yuqori yuklama soat 14:52 da — 1811 MVt (2024 yilda - 1680 MVt)ni taşkil qilgan;
• Joriy istemol darajasi 2024 yil iyul oyining şu davriga nisbatan 7,6 foizga yuqori bölib, oy boşidan buyon ösiş 11,0 foizni taşkil etgan.

Bildirilişiça, istemol yuqori paytlarda elektr tarmoqlarida uzilişlarning oldini oliş va bartaraf etiş maqsadida “Hududiy elektr tarmoqlari” AJ va uning filiallarida tunu kun işlaydigan avariyaga qarşi maxsus brigadalar taşkil etilgan. Ular yuzaga kelgan nosozliklarni zudlik bilan bartaraf etib bormoqda.

“Ayrim joylardagi elektr taminotida kuzatilayotgan uzilişlar tufayli istemolçilardan uzr söraymiz. 
Şu örinda istemolçilardan elektr energiyasidan imkon qadar tejamkorlik bilan foydalanişlarini söraymiz. Zarurat bölmagan hollarda elektr jihozlaridan foydalanmaslik orqali ham barçamiz tizimda yuklamaning ortişini, nosozlik va uzilişlar sodir bölişini oldini olişga katta hissa qöşamiz”, deyiladi vazirlik xabarida.