Mirziyoyev Xitoyga jönab ketdi

Prezident Şavkat Mirziyoyev Xitoy Xalq Respublikasi Raisi Si Tszinpinning taklifiga binoan bugun, 30 avgust kuni rasmiy taşrif bilan uşbu mamlakatga jönab ketdi. Bu haqda Özbekiston rahbarining matbuot xizmati xabar berdi.

Taşrif dasturiga muvofiq, davlat rahbari 31 avgust - 1 sentyabr kunlari Tyantszin şahrida Şanxay Hamkorlik Taşkiloti Davlat rahbarlari kengaşining navbatdagi majlisi va “ŞHT plyus” formatidagi uçraşuvda iştirok etadi.
ŞHT doirasidagi köp qirrali hamkorlikni ustuvor yönalişlarda yanada rivojlantiriş va taşkilot faoliyatini takomillaştirişning dolzarb masalalari muhokama qilinadi. Şuningdek, Tyantszin deklaratsiyasi, qöşma hujjat va qarorlar qabul qilinişi rejalaştirilgan.

2 sentyabr kuni Pekin şahrida Mirziyoyev Xitoy rahbari Si Tszinpin bilan muzokaralar ötkazadi, şuningdek, Xitoy rasmiy şaxslari va yetakçi kompaniyalari rahbarlari bilan uçraşuvlar ötkazadi. Özbekiston bilan Xitoy örtasidagi har tomonlama strategik şeriklik munosabatlarini yanada mustahkamlaş va amaliy hamkorlikni kengaytiriş masalalari körib çiqiladi.