Prezidentning yangi qarori qabul qilindi

Sud-ekspertlik faoliyati raqamlaştiriladi. “Cud-ekspertlik faoliyatini yanada takomillaştiriş va sohaga zamonaviy texnologiyalarni keng joriy etiş çora-tadbirlari töğrisida”gi Prezident qarori (PQ-270-son, 08.09.2025 y.) qabul qilindi.

Sud-ekspertlik faoliyatini rivojlantirişning asosiy maqsadlari etib quyidagilar belgilandi, jumladan:
- sud-ekspertlik faoliyatini raqamlaştiriş va suniy intellektdan foydalaniş orqali tadqiqotlarning tezkorligi, xolisligi va töliqligini taminlaş;
- sud-ekspertiza taşkilotlari va ekspertiza tayinlovçi organlarning axborot tizimlarini özaro integratsiya qiliş orqali sohada elektron hujjatlar almaşinuvi hajmini 100 foizga yetkaziş.

Qarorga köra, sudlar, tergovga qadar tekşiruv, suriştiruv, dastlabki tergov va mamuriy huquqbuzarliklar töğrisidagi işlarni körib çiqişga vakolati organlar bilan elektron hujjatlar almaşinuvini taminlovçi “E-ekspertiza” axborot tizimi sud-ekspertiza taşkilotlari faoliyatiga töliq joriy etiladi.
“E-ekspertiza” platformasi va ekspertiza tayinlovçi organlarning axborot tizimlari örtasida elektron axborot almaşinuvi quyidagi bosqiçlarda yölga qöyiladi:
- 2026 yil 1 yanvardan respublika darajasidagi ekspertiza tayinlovçi organlarda;
- 2026 yil 1 iyundan Qoraqalpoğiston Respublikasi, viloyatlar va Toşkent şahri darajasidagi ekspertiza tayinlovçi organlarda;
- 2026 yil 1 sentyabrdan tuman (şahar) darajasidagi ekspertiza tayinlovçi organlarda.