Toşkentda ayol ikki farzandi va özini köpqavatli uy derazasidan taşladi 

Toşkentning Olmazor tumanida ayol ikki farzandi va özini 8-qavatdan taşlagani haqida xabarlar tarqaldi.

Malumotlarga köra, voqea tumanning “Miskin” mahallasida yuz bergan. Ayol avval 1,5 va 3 yoşda bölgan farzandlarini, söng özini derazadan taşlagan. Ayol vafot etgan. Bolalari esa tirik qolgan bölib, şifoxonaning jonlantiriş bölimiga yotqizilgan.
Boş prokuratura matbuot xizmatining “Daryo” söroviga köra malum qilişiça, voqea 17 sentyabr kuni soat 14:18 larda sodir bölgan. 24 yoşli ayol turmuş örtoği bilan raşk tufayli kelib çiqqan kelişmovçilik oqibatida jahl qilib, 2022 va 2024-yillarda tuğilgan ikki nafar farzandini özlari yaşab turgan uyning 4-qavati yölak derazasidan pastga taşlab yuborgan. Söngra öşa uyning 8-qavati yölak derazasidan özini ham pastga taşlagan. Hodisa oqibatida ayol şifoxonada vafot etgan, ikki nafar voyaga yetmagan bolaning hayoti saqlab qolingan. Hozirda mazkur holat yuzasidan Jinoyat kodeksning 25,97-moddasi (qasddan odam öldirişga suiqasd qiliş) bilan jinoyat işi qözğatilgan. Tergov harakatlari olib borilmoqda