USD: 12,014 so'm ▼ EUR: 13,859 so'm ▼ RUB: 167 so'm ▼ GBP: 16,059 so'm ▼ CNY: 1,773 so'm ▼ KZT: 25 so'm ▼ TRY: 260 so'm ▼ AED: 3,271 so'm ▼ USD: 12,014 so'm ▼ EUR: 13,859 so'm ▼ RUB: 167 so'm ▼ GBP: 16,059 so'm ▼ CNY: 1,773 so'm ▼ KZT: 25 so'm ▼ TRY: 260 so'm ▼ AED: 3,271 so'm ▼

Saytdan izlash

Ko'rinishni tanlash:

Saqlangan xabarlar

Sizda hozircha saqlangan xabarlar yo'q!

Yangiliklarni o'qish

Maxfiylik siyosati

Saytimizdan foydalanishda sizga eng yaxshi tajribani taqdim etish uchun biz cookie-fayllardan foydalanamiz. Saytimizdan foydalanishda davom etish orqali siz Maxfiylik siyosati va Foydalanish shartlari ga rozilik bildirgan bo‘lasiz.

Украинага қарши урушда қатнашган ўзбекистонлик 2 йилга қамалди

5-10-2025, 11:20
767 марта

Украинага қарши урушда қатнашган ўзбекистонлик 2 йилга қамалди

Россиянинг Украинага қарши урушида иштирок этган Ўзбекистон фуқароси 2 йилга қамалди. Бу ҳақда суд ҳукмига таяниб, UzNews хабар берди.
11 сентябрь куни жиноят ишлари бўйича Наманган шаҳар судининг очиқ суд мажлисида К.Р.га оид жиноят ишини кўриб чиқилган. У жиноят кодексининг 154-моддаси 1-қисми (чет давлатларнинг ҳарбий хизматига, хавфсизлик, полиция, ҳарбий адлия органлари ёки шунга ўхшаш бошқа органларига хизматга кириш, ёлланиш) билан айбланган.
Украина давлатига қарашли “Хочу жит” номли Telegram каналида Россия—Украина ўртасидаги урушда иштирок этган 1 100 нафар ўзбекистонлик шахслар рўйхати эълон қилинганди. Мазкур рўйхатнинг 392-рақамида 1970-йилда Наманган шаҳрида туғилган ва истиқомат қилувчи К.Р. экани аниқланган.
У 2023 йилнинг июнь ойиларида Қирғизистон орқали Россияга мавсумий ишлаш учун борган. У Россияда бир оз муддат ишлаганидан сўнг федерал миграция хизмати идорасига патент олиш учун борган. Бироқ идора ходимлари патент берилмаслигини, аммо урушда иштирок этиш учун шартнома имзоласа, унга Россия фуқаролиги берилишини ва Россияда ишлаши мумкинлигини айтган.


Шундан сўнг, К.Р. 2023 йил июнь ойида Россия Мудофаа вазирлиги билан урушда иштирок этиш мақсадида ўз хоҳишига кўра бир йиллик шартномаимзолаган. У Россия армияси сафида “машинист механик” бўлиб ишлаган ва “Дед” “позивнойи” остида хизмат қилган. 

Ўзбекистон фуқароси Украинага қарши урушда қатнашаётгани учун 700 минг рубль миқдорида бир марталик мукофот пули ва ҳар ой ўртача 150-200 минг рубль (25-30 миллион сўм) миқдорда ойлик маош олиб келган.

К.Р. Украина билан чегарадаги Белгород шаҳридаги ҳарбий қисмда уруш мақсадларида фойдаланиладиган ҳарбий транспорт воситаларини техник таъмирлаган. 2024-йилнинг май ойларида у соғлиғидаги жиддий ўзгаришлар туфайли хизматдан озод этилган. К.Р. 2024 йилнинг июнь ойи охирларида Ўзбекистонга қайтиб келган.
Суд ҳукмига кўра, у ЖКнинг 154-моддаси 1-қисмида назарда тутилган жиноятни содир қилганликда айбли деб топилган. Унга нисбатан ЖКнинг 154-моддаси 1-қисми билан ЖКнинг 57-моддасини қўллаб, 2 йил муддатга озодликдан маҳрум қилиш жазоси тайинланган.

Изоҳ қолдириш

Мавзуга алоқадор: