«Eng yaxşi soliq tölovçi mahalla» nominatsiyasi joriy etiladi

«Soliqlarning yiğiluvçanlik darajasini oşiriş va faol soliq tölovçilarni rağbatlantiriş çora-tadbirlari töğrisida»gi Prezident qarori qabul qilindi.
Qarorga köra, 2026 yil 1 yanvardan «Eng yaxşi soliq tölovçi mahalla» nominatsiyasi joriy etiladi.
Ğoliblar quyidagi mezonlar böyiça aniqlanadi:

• har 1 000 nafar aholiga töğri keladigan kiçik biznes subektlari soni;
• har 1 000 nafar aholiga töğri keladigan kiçik biznes subektlari tomonidan tölangan soliqlar miqdori;
• har 1 000 nafar aholiga töğri keladigan jismoniy şaxslardan olinadigan daromad soliği tölovçilar soni;
• har 1 000 nafar aholiga töğri keladigan özini özi band qilgan fuqarolar soni va ular tomonidan tölangan soliqlar miqdori;
• mahalla fuqarolari tomonidan mol-mulk va yer soliqlarining tölanganlik darajasi.

«Eng yaxşi soliq tölovçi mahalla» nominatsiyasi ğoliblari uçun quyidagi rağbatlantiriş çoralari joriy etiladi:

• taşabbusli byudjet doirasida ketma-ket 2 marotaba ğolib deb topilgan mahallalar uçun navbatdagi 2 ta mavsum doirasida loyiha kiritiş imkoniyatini çeklaş qoidasi qöllanmaydi;
• loyihalarni şeriklik asosida moliyalaştirişda uşbu mahallalar aholisi tomonidan loyiha qiymatining 25 foizi moliyalaştirilgan taqdirda, loyiha ğolib deb topiladi hamda qolgan 75 foizi Davlat byudjetidan moliyalaştiriladi;
• belgilangan mezonlar asosida har yili birinçi 100 talikka kirgan eng yaxşi soliq tölovçi mahallalarning har biriga Davlat byudjetidan 2 mlrd söm miqdorida mablağ tegişliça Mahallaning ijtimoiy-iqtisodiy muammolarini hal etiş jamğarmasiga ajratiladi.