Endi hokimlar har 5 yilda boşqa tuman (şahar)ga rotatsiya qilinadi
10-12-2025, 07:59
313 марта
Endi hokimlar har 5 yilda boşqa tuman (şahar)ga rotatsiya qilinadiEndi hokim va uning örinbosarlari har 5 yilda boşqa tuman (şahar)ga rotatsiya qilinadi. Bu haqda joriy yilning 6 dekabr kuni qabul qilingan “Davlat xizmatida boşqaruv samaradorligini yanada oşiriş çora-tadbirlari töğrisida”gi Prezident farmonida söz boradi.
Farmonga köra, davlat organlarining vazifa va funktsiyalari quyidagi 5 ta darajaga ajratiladi:
Konstitutsiyaviy va milliy daraja;
respublika ijro etuvçi hokimiyat organlari darajasi;
hududiy daraja;
tuman (şahar) darajasi;
mahalla (qişloq, ovul) fuqarolar yiğini darajasi.
2026 yil 1 yanvardan “Yangi Özbekiston qiyofasidagi tuman (şahar)” maqomidagi 33 ta tuman (şahar)da faoliyat yurituvçi davlat organlarida kadrlar rotatsiyasi tizimi joriy etiladi.
Bunda:
Respublika ijro etuvçi hokimiyat organlarining tuman (şahar) bölinma rahbari hamda tuman (şahar) hokimi va uning örinbosarlari har 5 yilda qoida tariqasida Qoraqalpoğiston Respublikasi, viloyatlar hamda Toşkent şahri doirasida boşqa tuman (şahar)ga rotatsiya qilinadi;
rotatsiya qilinadigan rahbarlar Agentlikning “hrm.gov.uz” elektron platformasi orqali aniqlanadi;
rahbar yangi hududga ötişdan oldin hududning iqtisodiy va ijtimoiy holati böyiça intensiv kursda öqitiladi;
rotatsiya qilingan rahbar faoliyati Agentlik tomonidan elektron platforma orqali onlayn tarzda monitoring qilinadi.